அதிமுகவுக்கு ஆதரவு : தமிழக விவசாயிகள் சங்க கூட்டமைப்பு நிர்வாகிகள் இபிஎஸ் உடன் சந்திப்பு!

வரும் சட்டமன்றத் தேர்தலை முன்னிட்டு, அதிமுகவுக்கு ஆதரவு தெரிவிப்பதாக உழவர் பெருந்தலைவர் நாராயணசாமியின் தமிழக விவசாய சங்க கூட்டமைப்பினர் அறிவித்துள்ளனர். 

இதையொட்டி, சேலத்தில் அதிமுக பொதுச்செயலாளர் எடப்பாடி பழனிசாமியை விவசாயிகள் சங்க நிர்வாகிகள் நேரில் சந்தித்துத் தங்களது ஆதரவை உறுதிப்படுத்தினர். அதிமுகவின் தேர்தல் அறிக்கையில் இடம்பெற்றுள்ள பயிர்க் கடன் தள்ளுபடி, புதிய தடுப்பணைகள் கட்டுமானம் உள்ளிட்ட பல்வேறு வாக்குறுதிகள் விவசாயிகள் மத்தியில் பெரும் வரவேற்பைப் பெற்றுள்ளன. இதன் காரணமாகவே இந்த ஆதரவு முடிவை எடுத்துள்ளதாகச் சங்கத்தினர் தெரிவித்துள்ளனர்.

ஏற்கனவே கடந்த வாரம், தமிழக அனைத்து விவசாயிகள் சங்கம் மற்றும் தமிழக உழவர் சந்தை விவசாயிகள் கூட்டமைப்பு ஆகிய அமைப்புகள் அதிமுகவுக்கு ஆதரவு வழங்கியிருந்தன. அதன் தொடர்ச்சியாக, தற்போது தமிழக விவசாய சங்க கூட்டமைப்பும் அதிமுகவுடன் கைகோர்த்துள்ளது. இச்சந்திப்பின் போது, விவசாயிகள் தரப்பில் வழங்கப்பட்ட பல்வேறு கோரிக்கைகளைப் பரிசீலித்து, உரிய நடவடிக்கை எடுப்பதாக எடப்பாடி பழனிசாமி உறுதியளித்தார்.