சந்திர கிரகணம்: கோவில்களில் பூஜை நேரம் மாற்றம்

நாளை (செப்டம்பர் 7ஆம் தேதி) ஞாயிற்றுக்கிழமை, வானில் அரிய வகை முழு சந்திர கிரகணம் நிகழ உள்ளது. இந்த சந்திர கிரகணம் 82 நிமிடங்கள் நீடிக்கும் என்று தெரிவிக்கப்பட்டுள்ளது. இந்த கிரகணம், சூரியன், பூமி மற்றும் சந்திரன் ஆகியவை ஒரே நேர்கோட்டில் வரும்போது, பூமியின் நிழல் சந்திரன் மீது விழுவதால் ஏற்படுகிறது.

 

இந்த நிகழ்வின் போது, சந்திரன் அடர் சிவப்பு நிறத்தில் தோன்றும். செப்டம்பர் 7ஆம் தேதி இரவு 11.01 மணிக்கு முழு சந்திர கிரகணம் தொடங்குகிறது. இது நள்ளிரவு 12.23 வரை நீடிக்கும். இந்த முழு சந்திர கிரகணத்தை வெறும் கண்களால் பார்க்கலாம். வானம் தெளிவாக இருந்தால், இந்த அரிய நிகழ்வை பொதுமக்கள் முழுமையாக கண்டு ரசிக்கலாம்.

இந்த நிலையில், சந்திர கிரகணத்தை முன்னிட்டு நாளை (செப்.7) ஞாயிற்றுக்கிழமை கோவில்களில் பூஜை நேரம் மாற்றப்பட்டுள்ளது.  திருச்செந்தூர் சுப்பிரமணிய சுவாமி கோவிலில் நாளை மாலை 5 மணிக்கு பள்ளியறை பூஜை நடைபெற்ற பின்னர் நடை திருகாப்பிடப்படுகிறது. அன்றைய தினம் கட்டண தரிசனம், மூத்த குடிமக்கள் தரிசன வரிசை மற்றும் பொது தரிசன வரிசை நுழைவு பகுதியில் மதியம் 2 மணி வரை மட்டுமே பக்தர்கள் தரிசனத்திற்கு அனுமதிக்கப்படுவார்கள்.