திருச்செந்தூர் கோயிலில் தங்கத்தேர் வெள்ளோட்டம் : அமைச்சர் பி.கே. சேகர்பாபு துவக்கி வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூர் கோயிலில் தங்கத்தேர் வெள்ளோட்டம் : அமைச்சர் பி.கே. சேகர்பாபு துவக்கி வைத்தார்!

வெள்ளி 5, செப்டம்பர் 2025 11:41:23 AM (IST)

திருச்செந்தூர் சுப்பிரமணிய சுவாமி கோயிலில் பஞ்சலிங்க தரிசனத்துக்கு பக்தர்களை அனுமதிப்பது குறித்து நீதிமன்ற முடிவின்படி செயல்படுவோம் என்று இந்து சமய அறநிலையத்துறை அமைச்சர் பி.கே. சேகர்பாபு தெரிவித்தார்.

தூத்துக்குடி மாவட்டம், திருச்செந்தூர் அருள்மிகு சுப்பிரமணிய சுவாமி திருக்கோயிலில் ஓராண்டுக்கு பிறகு நடைபெற்ற தங்கத்தேர் வெள்ளோட்டத்தை இந்து சமய அறநிலையத்துறை அமைச்சர் பி.கே. சேகர்பாபு துவக்கி வைத்து, அன்னதானக் கூடம் மற்றும் புதிய அன்னதானக் கூடம் கட்டிட பணிகள், திருக்கோயில் பணியாளர்களுக்கான குடியிருப்பு கட்டுமானப் பணிகள் ஆகியவற்றை பார்வையிட்டார்.

பின்னர் அவர் செய்தியாளர்களிடம் அவர் கூறியதாவது: தமிழகத்தில் இதுவரை 3,600 திருக்கோயில்களுக்கு குடமுழுக்கு நடத்தப்பட்டுள்ளது. திருச்செந்தூர் கோயிலில் பெருந்திட்ட வளாகப் பணிகள் இந்த ஆண்டு இறுதிக்குள் நிறைவு பெற்றுவிடும். இப்பணியால் நிறுத்தி வைக்கப்பட்ட தங்கத்தேர் உலா மீண்டும் தொடங்கியுள்ளது. திருச்செந்தூரிலும் சிறு சிறு பணிகள் முடிவுற்ற பிறகு விரைவு தரிசனம் மற்றும் திருப்பதியை போல பிரேக் தரிசனமும் ஏற்படுத்தப்படும்.

இக்கோயிலில் பஞ்சலிங்க தரிசனத்துக்கு பக்தர்களை அனுப்ப அனுமதிப்பது குறித்த சாதக பாதகங்களை ஆராய்ந்து நீதிமன்றத்தில் எடுத்துக் கூறுவோம். நீதிமன்ற தீர்ப்பின் அடிப்படையில் வழி நடப்போம். குலசேகரன்பட்டினம் தசரா திருவிழாவில் பக்தர்களுக்கு தேவையான ஏற்பாடுகள் அனைத்தையும் செய்ய அரசு தயாராக உள்ளது என்றார். பேட்டியின் போது அமைச்சர் அனிதா ராதாகிருஷ்ணன் தக்கார் அருள் முருகன் உள்ளிட்டோர் உடன் இருந்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: