மணப்பாடு திருச்சிலுவை நாதர் ஆலய மகிமைப் பெருவிழா: கொடியேற்றத்துடன் தொடக்கம்

» செய்திகள் - விளையாட்டு » மாவட்ட செய்தி (தூத்துக்குடி)

மணப்பாடு திருச்சிலுவை நாதர் ஆலய மகிமைப் பெருவிழா: கொடியேற்றத்துடன் தொடக்கம்

வெள்ளி 5, செப்டம்பர் 2025 11:04:40 AM (IST)

மணப்பாடு திருச்சிலுவை நாதர் ஆலயத்தின் 446-ஆவது மகிமைப் பெருவிழா கொடியேற்றத்துடன் தொடங்கியது.

தூத்துக்குடி மாவட்டம், மணப்பாடில் உள்ள திருச்சிலுவை நாதர் ஆலயத்தின் 446-ஆவது மகிமைப் பெருவிழா கொடியேற்றத்துடன் தொடங்கியது.11 நாள்கள் நடைபெறும் இவ்விழாவில் கொடியேற்றத்தை முன்னிட்டு காலை 5.45 மணிக்கு புனித யாகப்பர் ஆலயத்தில் திருப்பலி, 6.30 மணிக்கு திருச்சிலுவை ஆலயத்தில் திருப்பலி, மெய்யான திருச்சிலுவை ஆசீரைத் தொடர்ந்து கொடிபவனி, அதைத்தொடர்ந்து காலை 8.10 மணிக்கு கொடியேற்றம் நடைபெற்றது.

இதில், மணப்பாடு, உடன்குடி, திருச்செந்தூர், அதன் சுற்றுவட்டார பகுதிகளில் இருந்து ஏராளமான கிறிஸ்தவர்கள் குடும்பத்துடன் பங்கேற்றனர். செப். 13 வரை நவ நாள்களில் திருச்சிலுவை ஆலயத்திலும், புனித யாகப்பர் ஆலயத்திலும் பல்வேறு சபையினர், பள்ளிகள், மணப்பாடு மக்கள், திருப்பயணிகள் பங்கேற்கும் திருப்பலி, ஜெபமாலை, மறையுரை, நற்கருணை ஆசீர் உள்ளிட்ட நிகழ்ச்சிகள் நடைபெறுகின்றன.

செப். 13 ஆம் தேதி மாலையில் ஆலயத்தில் மலையாளத்தில் திருப்பலியும், மாலை ஆராதனையும் நடைபெறும். இதில் தமிழகம், கேரளம் மட்டுமின்றி நாட்டின் பல்வேறு இடங்களில் இருந்து கிறிஸ்தவர்கள் கலந்துகொள்கின்றனர். செப்.14 காலை யாகப்பர் ஆலயத்திலும், திருச்சிலுவை ஆலயத்திலும் திருப்பலி நடைபெறும்.

அதைத்தொடர்ந்துதிருச்சிலுவை நாதர் ஆலயத்தைச் சுற்றிலும் ஐந்து திருக்காய சபை பவனி, ஆயர் திருப்பலி, மாலையில் நற்கருணை ஆசீர், மெய்யான திருச்சிலுவை முத்தம் செய்தல், கொடியிறக்கம் நடைபெறும். ஏற்பாடுகளை பங்குதந்தையர்கள், பங்கு கமிட்டியினர், ஆலய நிர்வாகக் குழுவினர் செய்துள்ளனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: