திருச்செந்தூர் கோயிலில் உண்டியல் வருமானம் ரூ. 2.48 கோடி

திருச்செந்தூர் சுப்பிரமணிய சுவாமி திருக்கோயிலில் உண்டியல் வருமானம் ரூ. 2.48 கோடி கிடைத்தது. மேலும், 1 கிலோ 102 கிராம் தங்கம் கிடைத்துள்ளது.

திருச்செந்தூர் அருள்மிகு சுப்பிரமணிய சுவாமி திருக்கோயில் தக்கார் ரா.அருள்முருகன் தலைமையில் உண்டியல் எண்ணும் பணி கோயில் மண்டபத்தில் நடந்தது. இணை ஆணையர் சு.ஞானசேகரன் முன்னிலை வகித்தார். இந்து சமய அறநிலையத்துறை முதுநிலை கணக்கு அலுவலர் ராஜாராமன், உதவி ஆணையர்கள் செந்தில்குமார், நாகவேல், அலுவலக கண்காணிப்பாளர் ரோகிணி, ஆய்வர் செந்தில் நாயகி, பிரதிநிதிகள் வேலாண்டி, கருப்பன் உள்ளிட்டோர் கலந்துகொண்டனர்.

இதன்படி உண்டியல் எண்ணிக்கையில் 2 கோடியே 48 லட்சத்து 94 ஆயிரத்து 901 ரூபாயும், தங்கம் 1 கிலோ 102 கிராம், வெள்ளி 14.1 கிலோ, பித்தளை 29 கிலோ, செம்பு 4.5 கிலோ, தகரம் 7.5 கிலோ மற்றும் வெளிநாட்டு கரன்சிகள் 895-ம் பக்தர்கள் காணிக்கையாக செலுத்தியிருந்தது தெரியவந்தது.