கோவில் கொடை விழாவில் கோஷ்டி மோதல்: 14 பேர் மீது வழக்குப்பதிவு - 4பேர் கைது!

தூத்துக்குடியில் கோவில் கொடை விழாவில் இளைஞர்களிடையே ஏற்பட்ட கோஷ்டி மோதல் தொடர்பாக 4பேர் கைது செய்யப்பட்டுள்ளனர். 

தூத்துக்குடி முத்தையாபுரம் அருகே அத்திமரப்பட்டி பத்திரகாளியம்மன் கோவில் கொடை விழாவின் போது மது போதையில் இளைஞர்களிடையே ஏற்பட்ட தகராறில் 14 பேர் மீது வழக்கு பதிவு செய்யப்பட்டது. இச்சம்பவம் தொடர்பாக காத்தமுத்து மகன் சேதுபதி 29, பெரியசாமி மகன் பாலாஜி 29, சாந்தகுமார் மகன் ராபின் 25, நாராயணன் மகன் பத்திரபாண்டி 40 ஆகிய 4 பேரை போலீசார் கைது செய்து நீதின்றத்தில் ஆஜர் படுத்தி சிறையில் அடைத்தனர்.