விபத்துக்களிலிருந்து மக்களைக் காக்க வேகத் தடைகள் : சமக கோரிக்கை!

தூத்துக்குடி பிரதான சாலைகளில் விபத்துக்களில் இருந்து மக்களைக் காக்க வேகத்தடைகள் அமைக்க மாநகராட்சி மற்றும் நெடுஞ்சாலை துறை அதிகாரிகளுக்கு சமத்துவ மக்கள் கழகம் கோரிக்கை விடுத்துள்ளது.

இதுகுறித்து தூத்துக்குடி மாவட்ட சமத்துவ மக்கள் கழக மாவட்ட செயலாளர் அற்புதராஜ் விடுத்துள்ள கோரிக்கை ; தூத்துக்குடி மாநகராட்சி மற்றும் நெடுஞ்சாலை துறை அதிகாரிகளின் காய்கனி மார்க்கெட் சிக்னல் அண்ணா சிலை அருகில் சுப்பையா வித்யாலயம் பெண்கள் மேல்நிலைப்பள்ளி, கே.வி.எஸ். மெட்ரிகுலேஷன் பள்ளி, பெருமாள்புரம் பாரதியார் வித்யாலயம் ஆண்கள் மேல்நிலைப்பள்ளி, வீரமணி மகப்பேறு மருத்துவமனை, புதுக்கிராமம் பெருமாள், பிள்ளையார் கோவில் சாலை, காய்கறி மார்க்கெட் மற்றும் வர்த்தக நிறுவனங்கள் அதிக அளவில் அமைந்திருக்கக் கூடிய இடமாகும் இந்தப் பகுதியில் பொதுமக்கள் மற்றும் மாணவர்கள் நடமாட்டம் அதிகளவில் இயங்கி வருகிறது.

வி.இ.ரோட்டில் கிழக்கில் இருந்து மேற்கில் வரும் வாகனங்கள் மிக வேகமாக வருவதினால் அந்தப் பகுதியில் பெரிய அளவில் விபத்துக்கள் ஏற்படும் அபாயம் உள்ளது. ஆகவே ஜெயம் சூப்பர் மார்க்கெட் முன்பு வேகத்தடை அமைத்தால் விபத்துக்களை தடுக்க முடியும். அடுத்த மாதம் கல்வி நிறுவனங்கள் ஆரம்பித்த பிறகு மிகப்பெரிய அளவில் மாணவர்கள் ரோட்டை கடக்க கூடிய சூழ்நிலை வரும் பொழுது மிகவும் ஆபத்தில் முடியும். ஆகவே மாநகராட்சி அதிகாரிகளும், நெடுஞ்சாலைத்துறை அதிகாரிகளும் கவனத்தில் கொண்டு உடனடியாக ஜெயம் சூப்பர் மார்க்கெட் முன்பு வேகத்தடை அமைக்க வேண்டும்.