தூத்துக்குடி சிவன் கோவில் சித்திரை திருவிழா: பச்சை சாத்தி சுவாமி, அம்பாள் ரதவீதி உலா!

தூத்துக்குடி சிவன் கோவில் சித்திரை திருவிழாவின் 8ஆம் நாளான இன்று பச்சை சாத்தி பித்தளை சப்பரத்தில் சுவாமி, அம்பாள் ரதவீதி உலா நடைபெற்றது.

தூத்துக்குடி மாநகரின் மையப்பகுதியில் அமைந்துள்ள சிவன் கோவில் என்று அழைக்கப்படும் அருள்மிகு பாகம்பிரியாள் உடனுறை சங்கர ராமேஸ்வரர் கோவிலில் சித்திரைத் திருவிழா மே 1ஆம் தேதி காலை  கொடியேற்றத்துடன் தொடங்கியது.  விழாவின் 8ஆம் நாளான இன்று (வியாழக்கிழமை) காலை 9.00 மணிக்கு தெப்பக்குளம் அருள்மிகு சுந்தரபாண்டிய விநாயகர் திருக்கோயில் மண்டபத்திலிருந்து நடராஜப்பெருமானுக்கு பச்சை சாத்தி பித்தளை சப்பரத்தில் ரதவீதி உலா நடந்தது. 

பகல் 1.35 மணிக்கு ஸ்ரீ நடராஜப் பெருமான் கோயிலில் நடன சேவையுடன் சேர்க்கை பெற்று, பிற்பகல் 2.00 மணிக்கு சுவாமி, அம்பாள் பல்லக்கில் ரதவீதி உலா நடந்தது. விழாவில் திரளான பக்தர்கள் கலந்து காெண்டு சுவாமி தரிசனம் செய்தனர். இரவு 7.00 மணிக்கு அருள்மிகு கங்காளநாதர் ரதவீதி உலா, 8.00 மணிக்கு சுவாமி குதிரை வாகனத்திலும், அம்பாள் கிளி வாகனத்திலும் ரத வீதி உலா நடக்கதிறது.