திருச்செந்தூா் கடலில் நீராடிய சரித்திர பதிவேடு குற்றவாளி கைது!

» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூா் கடலில் நீராடிய சரித்திர பதிவேடு குற்றவாளி கைது!

புதன் 7, மே 2025 8:20:41 AM (IST)

திருச்செந்தூா் கோயில் கடலில் குளித்து கொண்டிருந்த சரித்திர பதிவேடு குற்றவாளியை போலீசார் சுற்றி வளைத்து கைது செய்தனர்.

தூத்துக்குடி மாவட்டம், புதுக்கோட்டை கீழக்கூட்டுடன் காடு பகுதியைச் சோ்ந்தவா் முத்துப்பாண்டி (31). இவா் மீது தூத்துக்குடி, சிப்காட் காவல் நிலையத்தில் 2 கொலை வழக்குகள், சென்னை செங்குன்றத்தில் ஒரு கொலை வழக்கு, புதுக்கோட்டை காவல் நிலையத்தில் கஞ்சா மற்றும் கொலை முயற்சி வழக்குகள் உள்ளன. சரித்திர பதிவேடு குற்றவாளியான முத்துப்பாண்டியை போலீசார் தேடி வந்தனா்.

இதனால் முத்துபாண்டி மொட்டை அடித்து அடையாளம் தெரியாத அளவில் சுற்றித் திரிந்துள்ளாா். இந்நிலையில் திருச்செந்தூா் சுப்பிரமணிய கோயிலுக்கு முத்துப்பாண்டி நேற்று முன்தினம் குடும்பத்துடன் வந்ததாக போலீசாருக்கு ரகசிய தகவல் கிடைத்தது.

கடலில் குளித்துவிட்டு வெளியே வந்த முத்துப்பாண்டியை கோயில் காவல் நிலைய போலீசார் பிடித்தனா். அப்போது முத்துப்பாண்டியுடன் வந்த குடும்பத்தினா் போலீஸாரிடம் வாக்குவாதத்தில் ஈடுபட்டனா். இதையடுத்து, முத்துப்பாண்டியை போலீசார் கோயில் காவல் நிலையத்துக்கு கொண்டு சென்று விசாரித்தனர்.

பின்னர் அவரை கைது செய்து புதுக்கோட்டை காவல் நிலையத்திற்கு அழைத்து ெசன்று தீவிர விசாரணை நடத்தி வருகிறார்கள். ஆயிரக்கணக்கான பக்தர்கள் கடலில் புனித நீராடிக் கொண்டிருந்தபோது முத்துப்பாண்டியை போலீசார் கைது செய்து அழைத்து சென்ற சம்பவம் அந்த பகுதியில் பரபரப்பை ஏற்படுத்தியது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: