தூத்துக்குடியில் 200 கிலோ கடல் அட்டைகள் பறிமுதல் : 3 போ் கைது

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் 200 கிலோ கடல் அட்டைகள் பறிமுதல் : 3 போ் கைது

புதன் 12, பிப்ரவரி 2025 8:22:34 AM (IST)

தூத்துக்குடியில் இலங்கைக்கு கடத்த 200 கிலோ கடல் அட்டைகளை, தனிப்படை போலீசார் பறிமுதல் செய்து, 3 பேரை கைது செய்தனர்.

தூத்துக்குடியில் இருந்து இலங்கைக்கு பீடி இலை, கஞ்சா, மருந்து பொருட்கள் மற்றும் வெடிகள் கடத்தப்படுவது தொடர்கதையாக நடந்து வருகிறது. இந்த நிலையில் தூத்துக்குடி திரேஸ்புரம் கடற்கரையில் இருந்து இலங்கைக்கு கடல் அட்டைகள் கடத்தப்படுவதாக ஏ.எஸ்.பி. மதனுக்கு ரகசிய தகவல் கிடைத்ததாம். இதையடுத்து, அவரது தலைமையிலான தனிப்படை போலீசார் திரேஸ்புரம் கடற்கரைப் பகுதியில் ரோந்து பணியில் ஈடுபட்டனா்.

அப்போது ஒரு மினி லாரி கடற்பகுதியில் வந்து நின்றது. அதிலிருந்து இறங்கிய 3 பேர் மினி லாரியிலிருந்து கடல் அட்டைகளை இறக்க முயன்றனர். இதையடுத்து போலீசார் அவர்களை சுற்றி வளைத்து பிடித்தனர். மேலும் மினி லாரியிலிருந்த 200 கிலோ கடல் அட்டைகளையும் பறிமுதல் செய்தனர்.

பிடிபட்ட 3 பேரிடம் நடத்திய விசாரணையில், அவர்கள் ராமநாதபுரம் மாவட்டம், வேதாளையைச் சேர்ந்த செய்யது சாகுல்ஹமீது (37), தூத்துக்குடி, திரேஸ்புரம், மேட்டுப்பட்டியைச் சேர்ந்த மன்சூர்அலி (36) மற்றும் முகமது ஷெரீப் (30) என்பது தெரியவந்தது. ஆண்மை விருத்தி மருந்து தயாரிக்க மன்னார் வளைகுடாவின் அரிய வகை கடல் உயிரினமான கடல் அட்டைகளை இலங்கைக்கு கடத்த முயன்றது தெரியவந்துள்ளது.

இதையடுத்து 3 பேரையும் கைது செய்த தனிப்படையினர், மினி லாரியையும் பறிமுதல் செய்தனர். பின்னர் கடல் அட்டைகள், கைதான 3பேர் மற்றும் மினிலாரியை தூத்துக்குடி வடபாகம் போலீசாரிடம் தனிப்படையினர் ஒப்படைத்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: