சர்வீஸ் சாலையை உடனடியாக சீரமைக்க வேண்டும்: மார்க்சிஸ்ட் கம்யூனிஸ்ட் கட்சி கோரிக்கை

» செய்திகள் - விளையாட்டு » மாவட்ட செய்தி (தூத்துக்குடி)

சர்வீஸ் சாலையை உடனடியாக சீரமைக்க வேண்டும்: மார்க்சிஸ்ட் கம்யூனிஸ்ட் கட்சி கோரிக்கை

திங்கள் 10, பிப்ரவரி 2025 4:52:54 PM (IST)

தூத்துக்குடியில் சர்வீஸ் சாலையை உடனடியாக சீரமைக்க வேண்டும் என மார்க்சிஸ்ட் கம்யூனிஸ்ட் கட்சி மாநகர செயலாளர் எம்.எஸ்.முத்து கோரிக்கை விடுத்துள்ளார்.

இது தொடர்பாக அவர் வெளியிட்ட அறிக்கையில், "தூத்துக்குடி மாநகராட்சி 3வது மைலில் தொடங்கி புதிய பேருந்து நிலையம் வரக்கூடிய பிரதான சாலையாக சர்வீஸ் ரோடு அமைந்துள்ளது. பக்கிள் ஓடைக்கு அருகில் இருப்பதால் மக்கள் அதிகமாக பயன்படுத்தக் கூடிய சாலையாக இருக்கிறது.

இந்த சாலையை பள்ளி, கல்லூரி செல்லக்கூடிய மாணவ மாணவிகள் ஏராளமானவர்கள் பயன்படுத்துகிறார்கள். கடந்த ஆண்டு பெய்த கனமழையால் இந்தப் பகுதியில் மழைநீரை வெளியேற்றுவதற்காக மூடியிருந்த கழிநீர் வாய்காலை திறந்து விட்டார்கள். அதன் பின்னர் 2 மாதம் ஆகியும் இன்று வரை சரி செய்யப்படாமல் இருக்கிறது. இதன் காரணமாக தொடர் விபத்துக்கள் ஏற்பட்டு வருகிறது.

சர்வீஸ் ரோடு இருப்பது தெரிந்தவர்கள் பிரச்சினை இல்லாமல் வருகிறார்கள். தெரியாதவா்கள் இந்த பாலத்தில் விழுந்து விபத்து ஏற்பட வாய்ப்பு அதிகமாக இருப்பதால் உடனடியாக சர்வீஸ் சாலையை சீரமைத்து மக்கள் பயன்பாட்டிற்கு கொண்டு வர மாநகராட்சி நிர்வாகம் நடவடிக்கை எடுக்க வேண்டும் என கோரிக்கை விடுத்துள்ளார்.

மக்கள் கருத்து

தமிழன்Feb 11, 2025 - 06:07:02 PM | Posted IP 172.7*****

திரேஸ்புரத்தில் இருந்து மூன்றாவது மைல் வரை உள்ள இந்த சர்வீஸ் சாலை மிகவும் மோசமடைந்து விட்டது.ஆதலால் மீண்டும் இந்த சாலையை போடும்போது தரமான தார் சாலையாக போட்டால் நீண்ட நாட்களுக்கு பயன் உள்ளதாக இருக்கும்.தற்போது இந்த சாலையில் வாகனங்கள் சென்றால் டயர் பஞ்சர் நிலையில்தான் உள்ளது.

MURUGANFeb 11, 2025 - 04:25:44 PM | Posted IP 162.1*****

near election repair work done . true or false

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: