தூத்துக்குடி கல்லூரியில் அதிக கட்டணம் வசூல்: இந்திய ஜனநாயக வாலிபர் சங்கம் கண்டன ஆர்ப்பாட்டம்!

தூத்துக்குடி கல்லூரியில் அதிக கட்டணம் வசூலிப்பதைக் கண்டித்து இந்திய ஜனநாயக வாலிபர் சங்கம் சார்பில் கண்டன ஆர்ப்பாட்டம் நடந்தது.

 

தூத்துக்குடி காமராஜ் கல்லூரியில் கல்வி கட்டணத்திற்கு எதிராக போராடிய மாணவர் சங்கத் தலைவர் நேசமணியை நிரந்தர நீக்கம் செய்த கல்லூரி நிர்வாகத்தை கண்டித்தும், நிரந்தர நீக்கத்தை ரத்து செய்து மீண்டும் கல்லூரிக்குள் சேர்த்திட வேண்டும். தமிழக அரசே கல்லூரியை ஏற்று நடத்திட வேண்டும். அரசு நிர்ணயித்த கல்வி கட்டணத்தை அமலாக்க வேண்டும் என வலியுறுத்தி இந்திய ஜனநாயக வாலிபர் சங்கம் சார்பில் தூத்துக்குடி சிதம்பர நகர் 2வது தெரு கடை விதியில் வைத்து கண்டன ஆர்ப்பாட்டம் நடைபெற்றது. 

ஆர்ப்பாட்டத்திற்கு மாவட்ட பொருளாளர் மனோஜ் தலைமை வகித்தார். மாவட்டத் துணைத் தலைவர் ஜேம்ஸ் முன்னிலை வகித்தார். மாவட்ட செயலாளர் இ.சுரேஷ் நிறைவு செய்து பேசினார். இதில் மாவட்ட செயலாளர் கிஷோர் குமார், மாவட்ட குழு உறுப்பினர்கள் பாலமுருகன், ஸ்ரீநாத், சுடலைமணி, ஜான்சன், மாநகரக் குழு நிர்வாகிகள் மணிகண்டன், சங்கர பாண்டி, புறநகர குழு நிர்வாகிகள் கருப்பசாமி, தங்கராஜ், முனீஷ், அபி, விஸ்வன், கனிஷ், தெய்வநாயகம் உள்ளிட்ட பலர் கலந்து கொண்டனர்.