ஆலந்தலை திரு இருதய அற்புத கெபி திருத்தலத்தில் சிறப்பு திருப்பலி

ஆலந்தலை இயேசுவின் திரு இருதய அற்புத கெபி திருத்தலத்தில் முதல் வெள்ளி சிறப்பு திருப்பலி குழித்துறை மறை மாவட்ட ஆயர் ஆல்பர்ட் அனஸ் தாஸ் தலைமையில் நடந்தது. 

தூத்துக்குடி மாவட்டம் திருச்செந்தூர் அடுத்த ஆலந்தலை இயேசுவின் திரு இருதய அற்புத கெபி திருத்தலம் உள்ளது. இந்த திருத்தலத்தில் பிப்ரவரி மாத முதல் வெள்ளியான இன்று சிறப்பு திருப்பலி குழித்துறை மறை மாவட்ட ஆயர் ஆல்பர்ட் அனஸ்தாஸ் தலைமையில் நடைபெற்றது. இதில் விமர்சனங்களை எதிர்கொள்ள வரம் நல்கும் இயேசுவின் திரு இருதயமே என்ற தலைப்பில் சிறப்பு நற்செய்தியை வழங்கினார். 

இதில் ஏராளமான கிறிஸ்தவர்கள் கலந்து கொண்டு பிரார்த்தனையில் ஈடுபட்டனர். முன்னதாக சிறப்பு அழைப்பளர் குழித்துறை ஆயர் ஆல்பர்ட் அனஸ்தாஸ், திருத்தல நிதி குழுவினர் சார்பில் பொன்னாடை அணிவித்து கௌரவிக்கப்பட்டார். பின்னர் திருப்பலியில் கலந்து கொண்ட அனைவருக்கும் அன்னதான வழங்கப்பட்டது. இதற்கான ஏற்பாடுகளை திருத்தல அதிபர் சில்வெஸ்டர், உதவி பங்குத்தந்தை ஜோதிமணி மற்றும் திருத்தல நிதி குழுவினர் செய்திருந்தனர்.