சுயதொழில் தொடங்கிட ரூ.1 கோடி கடனுதவி : முன்னாள் ராணுவ வீரர்களுக்கு ஆட்சியர் அழைப்பு

முதல்வரின் காக்கும் கரங்கள் திட்டத்தின் கீழ் முன்னாள் படைவீரர்கள் மற்றும் அவரைச் சார்ந்தோர்களுக்கு ரூ.1 கோடி கடனுதவிக்கு விண்ணப்பித்திட ஏதுவாக கூட்டம் மற்றும் சிறப்பு குறைதீர்க்கும் நாள் கூட்டம் நடைபெற உள்ளது.

இது தொடர்பாக மாவட்ட ஆட்சியர் க.இளம்பகவத் வெளியிட்ட செய்திக்குறிப்பில்,  சுயதொழில் தொடங்கிட முதல்வரின் காக்கும் கரங்கள் என்ற புதிய திட்டத்தின்கீழ் முன்னாள் படைவீரர்கள் மற்றும் அவரைச் சார்ந்தோர்களுக்கு படைப்பணியின் போது உயிர் நீத்த படைவீரர்களின் கைம்பெண்கள் சுயதொழில் தொடங்குவதற்கு வங்கிகடன் உதவியும் விண்ணப்பித்திட ஏதுவாக விழிப்புணர்வு முகாமும் 14.02.2025 அன்று காலை 10.00 மணிக்கு தூத்துக்குடி மாவட்ட ஆட்சியர் அலுவலக வளாக கூட்ட அரங்கில் நடைபெறவுள்ளது. இக்கூட்டத்தில் 55 வயதிற்குட்பட்ட முன்னாள் படைவீரர்கள் கலந்து கொண்டு பயனடையுமாறு கேட்டுக் கொள்ளப்படுகிறீர்கள்.

முன்னாள் படைவீரர்கள் மற்றும் அவரைச் சார்ந்தோர்களுக்கான சிறப்பு குறைதீர்க்கும் நாள் கூட்டம் நடைபெறவுள்ளது. எனவே இச்சிறப்பு குறைதீர்க்கும் நாள் கூட்டத்தில் முன்னாள் படைவீரர்கள் மற்றும் அவரைச் சார்ந்தோர்கள் கலந்து கொண்டு தங்கள் மனுக்களை இரட்டை பரிதிகளில் அடையாள அட்டை நகலுடன் சமர்ப்பிக்குமாறு மாவட்ட ஆட்சியர் கேட்டுக் கொள்கிறார்கள்.

மேலும் விவரங்களுக்கு "தூத்துக்குடி முன்னாள் படைவீரர் நலன் உதவி இயக்குநரை நேரில் தொடர்பு கொள்ளுமாறு மாவட்ட ஆட்சியர் க.இளம்பகவத் தெரிவித்துள்ளார்.