தூத்துக்குடியில் 50 ஆண்டுக்கு பின் முன்னாள் மாணவர்கள் சந்திப்பு

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் 50 ஆண்டுக்கு பின் முன்னாள் மாணவர்கள் சந்திப்பு

சனி 20, ஜூலை 2024 3:48:45 PM (IST)

தூத்துக்குடி புனித பிரான்சிஸ் சவேரியார் உயர்நிலைப் பள்ளியில் 1973 -74 ஆண்டுகளில் 11ஆம் வகுப்பு முடித்த முன்னாள் மாணவர்கள் 50 ஆண்டுகள் முடிந்ததை தொடர்ந்து பொன்விழா கொண்டாடினர்.

முதல் கட்டமாக 40 முன்னாள் மாணவர்கள் தூத்துக்குடி விஇ ரோட்டில் உள்ள ஓட்டலில் முன்னாள் மாணவர்கள் சந்திப்பு நடந்தது. இதில், சென்னை, திருச்சி, திருநெல்வேலி மற்றும் தூத்துக்குடியில் இருந்து முன்னாள் மாணவர்கள் வந்திருந்தனர். முதலில் மாணவர்கள் ஒவ்வொருவராக சுய அறிமுகம் செய்து கொண்டனர். இந்த சந்திப்பின்போது ஓய்வு பெற்ற ஐஆர்எஸ் அதிகாரி சேதுராஜ் அனைவரையும் வரவேற்று பேசினார்.

பொன் விழாவை டிசம்பருக்குள் குடும்ப விழாவாக நடத்த வேண்டும் என்றும் பாடம் கற்பித்து கொடுத்த ஆசிரியர்களை அழைத்து கௌரவிக்க வேண்டும் என்றும் முடிவு எடுத்தனர். முன்னாள் மாணவர் கே ஞான தேசிகன் தமிழ்நாடு தலைமைச் செயலாளராக பணி புரிந்ததை தீரமகாராஜன் நினைவு கூர்ந்து பேசினார். சுசி புருஷோத்தமன் நாம் நான்கு குழுக்கள் அமைத்து பொன் விழாவை சிறப்புடன் நடத்த வேண்டும் என்று பேசினார்.

கலந்து கொண்டவர்களில் பெரும்பாலோர் தொழில் அதிபர்கள், ஆசிரியர் பணி, கால்நடை துறை பணி, வக்கீல் பணி, பொறியாளர் பணி, ரயில்வே துறையில் பணி, சுகாதார துறையில் பணி, தீயணைப்பு துறையில் பணி, கப்பல் துறையில் பணி, கார்ப்பரேட் கம்பெனிகள் போன்றவற்றில் மேலதிகாரிகளாக பணிபுரிந்தவர்கள்.

மேலும் நலத்திட்டங்கள் இலவச கண் மருத்துவ சிகிச்சை முகாம் இலவச மருத்துவ சிகிச்சை முகாம் மராத்தான் ஓட்டம் நடத்துவது என்று முடிவு செய்யப்பட்டது. தட்சணாமூர்த்தி பழைய பாடல் பாடி அனைவரையும் மகிழ்வித்தார். லயனல் இறை பாடல் பாடினார் இறுதியில் முனைவர் பாஸ்கரன் நன்றி கூறினார்.

மக்கள் கருத்து

RajanJul 22, 2024 - 01:05:16 AM | Posted IP 162.1*****

இவர்களுக்கு பாடம் கற்றுக்கொடுத்த ஆசிரியர்கள் பெரும்பாலும் உயிருடன் இல்லை.

M.Chandrasekar ThoothukudiJul 21, 2024 - 05:56:52 AM | Posted IP 172.7*****

Congrats

veerakumarJul 20, 2024 - 03:55:27 PM | Posted IP 162.1*****

Engal college group kannil padum varai share seiyavum

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: