கொலை முயற்சி வழக்குகளில் கைதான 4 பேர் மீது குண்டர் தடுப்பு சட்டம் பாய்ந்தது!

தூத்துக்குடி மாவட்டத்தில் கொலை முயற்சி வழக்குகளில் கைதான 4 பேர் இன்று குண்டர் தடுப்பு சட்டத்தில் சிறையில் அடைக்கப்பட்டனர். 

தூத்துக்குடி கோரம்பள்ளம் ஜங்ஷன் பகுதியில் உள்ள ஒரு ஹோட்டலின் முன்பு வைத்து கடந்த 30.01.2024 அன்று ஸ்ரீவைகுண்டம் பிச்சனார் தோப்பு பகுதியை சேர்ந்த குணா (எ) பொன்தங்கம் என்பவரது மனைவி அமராவதி (23) என்பவரை குடும்ப பிரச்சனை காரணமாக அரிவாளால் தாக்கி கொலை முயற்சியில் ஈடுபட்ட வழக்கில் அமராவதியின் கணவரான முத்துராஜ் மகன் குணா (எ) பொன்தங்கம் (23), அதே பகுதியை சேர்ந்தவர்களான இவரது சகோதரரான முருகன் (எ) மருது (22) மற்றும் உறவினரான முனியன் மகன் வள்ளி (23) ஆகியோரை புதுக்கோட்டை காவல் நிலைய போலீசார் வழக்குபதிவு செய்து கைது செய்தனர். 

கடந்த 20.02.2024 அன்று விளாத்திகுளம் காவல் நிலைய எல்லைக்குட்பட்ட விளாத்திகுளம் to வேம்பார் ரோடு பகுதியில் உள்ள ஒரு கடை முன்பு வைத்து  ஒருவரிடம் தகராறு செய்து அரிவாளால் தாக்க முயன்று கொலை முயற்சியில் ஈடுபட்ட வழக்கில் தூத்துக்குடி சுந்தரவேல்புரம் பகுதியை சேர்ந்த  சின்னதுரை மகன் ஹைகோர்ட் மகாராஜா (30) என்பவரை விளாத்திகுளம் போலீசார் வழக்கு பதிவுசெய்து கைது செய்தனர். 

மேற்கண்ட வழக்குகளில் கைதான குணா (எ) பொன்தங்கம், இவரது சகோதரரான முருகன் (எ) மருது, உறவினரான முனியன் மகன் வள்ளி மற்றும் தூத்துக்குடி சுந்தரவேல்புரம் பகுதியை சேர்ந்த  சின்னதுரை மகன் ஹைகோர்ட் மகாராஜா ஆகிய 4 பேரைும் மாவட்ட காவல் கண்காணிப்பாளர் எல். பாலாஜி சரவணன் பரிந்துரையின் பேரில் குண்டர் தடுப்புச் சட்டத்தில் கைது செய்ய மாவட்ட ஆட்சியர் லட்சுமிபதி உத்தரவிட்டார். இதையடுத்து 4பேரும் குண்டர் தடுப்பு சட்டத்தில் கைது செய்யப்பட்டு பாளையங்கோட்டை மத்திய சிறையில் அடைக்கப்பட்டனர்.