» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் லஞ்ச ஒழிப்புதுறை சோதனை : ரூ.1 லட்சத்து 42 ஆயிரம் பறிமுதல்

புதன் 15, மார்ச் 2023 8:04:39 PM (IST)



தூத்துக்குடி மாவட்ட நகர் ஊரமைப்பு அலுவலகத்தில் லஞ்ச ஒழிப்புத்துறை சோதனையில் கணக்கில் வராத ரூ.1 லட்சத்து 42 ஆயிரம் பறிமுதல் செய்யப்பட்டது.

தூத்துக்குடி மாவட்ட நகர் ஊரமைப்பு அலுவலகத்தில் கட்டிட வரைபடங்களுக்கு அனுமதி பெறுவதற்காக பணம் வாங்குவதாக மாவட்ட ஊழல் தடுப்பு மற்றும் கண்காணிப்பு பிரிவு போலீசாருக்கு ரகசிய தகவல் கிடைத்தது. அதன்பேரில் டிஎஸ்பி பீட்டர் பால், தணிக்கை குழு அலுவலர் பேச்சிமுத்து மற்றும் போலீசார் அடங்கிய குழுவினர் இன்று மாலை 5 மணி அளவில் நகரமைப்பு அலுவலகத்துக்கு வந்தனர்.

அவர்கள் உடனடியாக அலுவலகத்தில் இருந்து யாரும் வெளியே செல்லாத வகையில் தடுத்து நிறுத்தினர். அனைத்து அலுவலர்களும் வெளியில் யாரையும் தொடர்பு கொள்ளாதபடி தொலைபேசி அழைப்புகளை துண்டித்தனர். அதுபோல் அலுவலகத்துக்கு வந்த சில பொதுமக்களையும் வெளியில் செல்ல அனுமதிக்கவில்லை. தொடர்ந்து போலீசார், அந்த அலுவலகம் மற்றும் அலுவலர்களின் கார்களில் தீவிர சோதனை மேற்கொண்டனர்.

அப்போது, அங்கு கண்காணிப்பாளராக பணியாற்றி வரும் தியாகராஜன் என்பவரின் காரில் இருந்து ரூ.1 லட்சம், அலுவலகத்தில் இருந்து ரூ.42 ஆயிரத்தை லஞ்ச ஒழிப்பு போலீசார் பறிமுதல் செய்தனர். மற்ற அலுவலர்களிடம் இருந்து எந்த தொகையும் கைப்பற்றப்படவில்லை. அதேநேரத்தில் அலுவலகத்தில் பொதுமக்களில் ஒருவர் வைத்து இருந்த ஒரு தங்க நாணயத்தையும் போலீசார் கைப்பற்றி விசாரணை நடத்தினர். தூத்துக்குடி நகரமைப்பு அலுவலகத்தில் லஞ்ச ஒழிப்பு போலீசார் சோதனை நடத்திய சம்பவத்தால் பரபரப்பு ஏற்பட்டது.


மக்கள் கருத்து

பிரேம்Mar 16, 2023 - 08:51:20 PM | Posted IP 162.1*****

வாழ்த்துக்கள். லஞ்ச ஒழிப்பு துறையானது தினமும் இப்படி திடீர் சோதனை செய்தால் மக்களுக்கு இவர்கள் மீது மரியாதை கூடும் என்பதை யாரும் மறுக்க முடியாது.

T.PethuselviMar 16, 2023 - 07:08:51 PM | Posted IP 162.1*****

Lanjam Ella office ullathu

ஆம்Mar 16, 2023 - 12:30:41 PM | Posted IP 162.1*****

சில திருட்டு பயலுக பூரா அரசு அதிகாரிகளே

ராஜாMar 16, 2023 - 09:59:09 AM | Posted IP 162.1*****

என்னது அரசு அலுவலகத்துல லஞ்சமா????

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

தூக்கமின்றி தவித்த இளைஞர் தற்கொலை!!!

வெள்ளி 23, பிப்ரவரி 2024 7:58:11 PM (IST)

Sponsored Ads









Arputham Hospital



Thoothukudi Business Directory