தூத்துக்குடி அருகே கார் விபத்தில் 2 பெண்கள் உட்பட 3பேர் பலி : 6பேர் காயம்!

தூத்துக்குடி அருகே கார் கவிழ்ந்து விபத்துக்குள்ளானதில் 2 பெண்கள் உட்பட 3பேர் உயிரிழந்தனர். குழந்தைகள் உட்பட 6பேர் காயம் அடைந்தனர்.

விருதுநகர் மாவட்டம் சாத்தூர் அருகே உள்ள பெத்து ரெட்டிபட்டியைச் சேர்ந்தவர் பழனிசாமி. இவர் தனது மனைவி சங்கரேஷ்வரி (62) உள்ளிட்ட குடும்பத்தினர் மற்றும் பக்கத்து வீட்டைச் சேர்ந்தவர்களுடன் இன்று காலை திருச்செந்தூருக்கு காரில் சென்று கொண்டிருந்தார். தூத்துக்குடி அருகே உள்ள குறுக்குச்சாலை பகுதியில் கார் சென்று கொண்டிருந்தபோது திடீரென டயர் வெடித்து, நிலை தடுமாறி சாலை ஓரத்தில் இருந்த மரத்தின் மீது கார் மோதி விபத்துக்குள்ளானது.

இதில், காரில் பயணம் செய்த பழனிசாமியின் மனைவி சங்கரேஷ்வரி, அவரது பக்கத்து வீட்டை சேர்ந்த  ஆதிநாராயணன் மனைவி மருதாயி (55) ஆகிய இருவரும் சம்பவ இடத்திலேயே பரிதாபமாக உயிரிழந்தனர். மேலும், பழனிசாமி, அவரது  மகன் கனக தர்மராஜ், மருமகள் முத்துலட்சுமி கனக தர்மராஜ் (40), அவரது மனைவி முத்துலட்சுமி (35), அவரது குழந்தைகள் ஓவியாஸ்ரீ (10), நிவித் குரு (7), கார் டிரைவர் சங்கர் (38) ஆகியோர் காயம் அடைந்தனர். அவர்கள் அனைவரும் தூத்துக்குடி அரசு மருத்துவமனையில் அனுமதிக்கப்பட்டனர். அங்கு சிசிக்கை பலனின்றி டிரைவர் சங்கர். விபத்து குறித்து ஓட்டப்பிடாரம் காவல் துறையினர் வழக்கு பதிந்து விசாரணை மேற்கொண்டு வருகின்றனர்.