தமிழகத்தின் புதிய முதலமைச்சராகப் பதவியேற்றுள்ள விஜய்க்கு பிரதமர் நரேந்திர மோடி வாழ்த்து!

» செய்திகள் - விளையாட்டு » இந்தியா

தமிழகத்தின் புதிய முதலமைச்சராகப் பதவியேற்றுள்ள விஜய்க்கு பிரதமர் நரேந்திர மோடி வாழ்த்து!

ஞாயிறு 10, மே 2026 8:48:44 PM (IST)

தமிழகத்தின் 13-ஆவது முதலமைச்சராக இன்று பொறுப்பேற்றுக்கொண்ட தமிழக வெற்றிக் கழகத் தலைவர் விஜய்க்கு, பிரதமர் நரேந்திர மோடி தனது வாழ்த்துகளைத் தெரிவித்துள்ளார்.

முதலமைச்சராகப் பதவியேற்றதைத் தொடர்ந்து, பிரதமர் மோடி அவர்கள் முதல்வர் விஜய்யைத் தொலைபேசியில் தொடர்பு கொண்டு பேசினார். அப்போது, தமிழக முதலமைச்சராகப் பொறுப்பேற்றுள்ள அவருக்குத் தனது மனமார்ந்த வாழ்த்துகளைத் தெரிவித்த பிரதமர், அவரது மக்கள் பணி சிறக்க வாழ்த்தினார்.

சமீபத்தில் நடைபெற்ற சட்டப்பேரவைத் தேர்தலில் தவெக 108 இடங்களைக் கைப்பற்றியது. காங்கிரஸ், விசிக மற்றும் கம்யூனிஸ்ட் உள்ளிட்ட கூட்டணிக் கட்சிகளின் 120 எம்.எல்.ஏ-க்களின் ஆதரவுடன் இன்று சென்னை நேரு உள்விளையாட்டரங்கில் பதவியேற்பு விழா நடைபெற்றது. ஆளுநர் ஆர்.வி. அர்லேகர் அவர்கள் விஜய்க்குப் பதவிப் பிரமாணம் செய்து வைத்தார்.

ஏற்கனவே காங்கிரஸ் தலைவர் ராகுல் காந்தி நேரில் வந்து வாழ்த்து தெரிவித்த நிலையில், தற்போது நாட்டின் பிரதமர் தொலைபேசியில் வாழ்த்து தெரிவித்துள்ளது அரசியல் வட்டாரத்தில் முக்கியத்துவம் வாய்ந்ததாகப் பார்க்கப்படுகிறது. முதலமைச்சராகப் பொறுப்பேற்ற சில மணி நேரங்களிலேயே 200 யூனிட் இலவச மின்சாரம் உள்ளிட்ட அறிவிப்புகளை விஜய் வெளியிட்டது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: