தமிழகத்திற்கு 3 ஆயிரம் கனஅடி நீர் திறக்க காவிரி ஒழுங்காற்றுக் குழு உத்தரவு!

» செய்திகள் - விளையாட்டு » இந்தியா

தமிழகத்திற்கு 3 ஆயிரம் கனஅடி நீர் திறக்க காவிரி ஒழுங்காற்றுக் குழு உத்தரவு!

செவ்வாய் 26, செப்டம்பர் 2023 4:23:21 PM (IST)

காவிரியில் இருந்து தமிழகத்திற்கு 3 ஆயிரம் கனஅடி நீர் திறக்க கர்நாடக அரசுக்கு காவிரி ஒழுங்காற்றுக் குழு உத்தரவிட்டுள்ளது.

கர்நாடக அணைகளில் இருந்து தமிழகத்துக்கு தண்ணீர் திறந்துவிட கர்நாடக அரசு மறுப்பு தெரிவித்த நிலையில், டெல்லியில் கடந்த 18-ந்தேதி காவிரி மேலாண்மை ஆணையத்தின் அவசரக் கூட்டம் அதன் தலைவர் எஸ்.கே.ஹல்தர் தலைமையில் நடைபெற்றது.

இந்த கூட்டத்தில் தமிழ்நாட்டிற்கு அடுத்த 15 நாட்களுக்கு தினமும் 5,000 கனஅடி நீர் திறக்க கர்நாடக அரசுக்கு உத்தரவிடப்பட்டது. மேலும் காவிரி ஒழுங்காற்றுக் குழுவின் அடுத்த கூட்டத்தை 26-ந்தேதி(இன்று) நடத்த முடிவு செய்யப்பட்டது. அதன்படி காவிரி ஒழுங்காற்றுக் குழு கூட்டம் இன்று நடைபெற்றது.

இந்த கூட்டத்தில் காவிரியில் இருந்து வினாடிக்கு 12,500 கனஅடி நீர் திறக்க கர்நாடக அரசுக்கு உத்தரவிட வேண்டும் என தமிழக அரசு தரப்பில் கோரிக்கை விடுக்கப்பட்டது. தமிழ்நாட்டில் வாடும் பயிர்களை கருத்தில் கொண்டு நீரின் அளவை குறைக்காமல், அக்டோபர் மாதத்திற்கான 20.22 டி.எம்.சி. தண்ணீரை உரிய நேரத்தில் காவிரியில் இருந்து கர்நாடக அரசு திறக்க வேண்டும் எனவும் தமிழக அரசு கோரிக்கை விடுத்தது.

அதே சமயம் காவிரி நீர்ப்பிடிப்பு பகுதிகளில் 53 சதவீதம் மழை பற்றாக்குறை நீடிப்பதாக கர்நாடக அரசு வாதிட்டது. காவிரியில் இருந்து இதற்கு மேல் தமிழகத்திற்கு தண்ணீர் திறக்க முடியாது என்றும் கர்நாடக அரசு தரப்பில் தெரிவிக்கப்பட்டது. இதனையடுத்து தமிழகத்திற்கு காவிரியில் இருந்து 3 ஆயிரம் கனஅடி நீர் திறக்க கர்நாடக அரசுக்கு காவிரி ஒழுங்காற்றுக் குழு உத்தரவிட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: