» கல்வி / வேலை » கல்விச்செய்திகள் (தூத்துக்குடி)
நாசரேத் மர்காஷிஸ் பள்ளியில் ஆதார் இணைப்பு சிறப்பு முகாம்
செவ்வாய் 7, ஜனவரி 2025 8:43:32 PM (IST)

நாசரேத் மர்காஷிஸ் மேல்நிலைப் பள்ளியில் கல்வி உதவித்தொகை - ஆதார் இணைப்பு சிறப்பு முகாம் நடைபெற்றது.
நாசரேத் மர்காஷிஸ் மேல்நிலைப் பள்ளியில் தமிழ்நாடு அரசு பள்ளிக் கல்வித் துறையின் சார்பில் மாணவ, மாணவியர்களுக்கான கல்வி உதவித்தொகை, ஆதார் எண் மற்றும் வங்கி கணக்கு இணைப்பு சிறப்பு முகாம் நடைபெற்றது. பள்ளியின் உதவி தலைமை ஆசிரியர்கள் சாரா ஞானபாய் மற்றும் சார்லஸ் திரவியம் ஆகியோர் முகாமினை துவக்கி வைத்தனர். இயற்பியல் ஆசிரியர் ஜெர்சோம் ஜெபராஜ் வரவேற்றார்.
தூத்துக்குடி மாவட்ட ஆட்சியர் அலுவலகத்தின் பள்ளிக்கல்வித்துறை ஆதார் இணைப்பு அலுவலர் சாந்தி சிறப்பு விருந்தினராகக் கலந்து கொண்டு மாணவர்களுக்கான கல்வி உதவித்தொகை ஆதார் இணைப்பு பணிகளை செய்தார். மர்காஷிஸ் மேல்நிலைப்பள்ளி, அரசு மேல்நிலைப்பள்ளி, மாவடி பண்ணை, தூய யோவான் மகளிர் மேல்நிலைப்பள்ளி, நாசரேத் மற்றும் தூய மாற்கு மேல்நிலைப்பள்ளி, மூக்குபீறி ஆகிய பள்ளிகளை சேர்ந்த மாணவ, மாணவிகள் சிறப்பு முகாமில் கலந்து கொண்டனர்.
ஏற்கனவே பள்ளிகளில் பன்னிரெண்டாம் வகுப்பு முடித்து தற்போது கல்லூரிகளில் பயின்று கொண்டிருக்கும் மாணவர்களுக்கும் கல்வி உதவித்தொகை மற்றும் ஆதார் எண் இணைப்பு மேற்கொள்ளப்பட்டது. மர்காஷிஸ் மேல்நிலைப்பள்ளி கணினி ஆசிரியர் செல்வின் பொன்தாஸ் மற்றும் அலுவலகப் பணியாளர்கள் முகமிற்கான ஏற்பாடுகளை செய்திருந்தனர். தேசிய மாணவர் படை அலுவலர் சுஜித் செல்வசுந்தர் மற்றும் ஓவியக்கலை ஆசிரியர் அலெக்ஸன் கிறிஸ்டோபர் முகமிற்கான ஒருங்கிணைக்கும் பணிகளை மேற்கொண்டனர்.
மக்கள் கருத்து
மேலும் தொடரும் செய்திகள்

நாசரேத் மர்காஷிஸ் பள்ளியில் பாராட்டு விழா!
சனி 8, பிப்ரவரி 2025 8:37:06 AM (IST)

கீதா மெட்ரிக்மேல்நிலைப் பள்ளி ஆண்டு விழா: அமைச்சர் கீதாஜீவன் பங்கேற்பு
திங்கள் 3, பிப்ரவரி 2025 8:44:04 PM (IST)

நாசரேத் பாலிடெக்னிக் கல்லூரியில் வேலை வாய்ப்பு முகாம்
வியாழன் 30, ஜனவரி 2025 10:02:58 AM (IST)

இஞ்ஞாசியார் பள்ளியில் மரக்கன்று நடும் நிகழ்வு
புதன் 29, ஜனவரி 2025 5:53:27 PM (IST)

செய்துங்கநல்லூர் எம்.எம்.நடுநிலைப்பள்ளியில் முன்னாள் மாணவர்கள் சந்திப்பு
திங்கள் 27, ஜனவரி 2025 11:47:48 AM (IST)

செவித்திறன் குறைந்தோர்க்கான பள்ளியில் குடியரசு தினவிழா
திங்கள் 27, ஜனவரி 2025 10:22:16 AM (IST)
