நெல்லை - தென்காசி வழித்தட எக்ஸ்பிரஸ் ரயில் சேவையில் மாற்றம்: தெற்கு ரயில்வே தகவல்!

» செய்திகள் - விளையாட்டு » தமிழகம்

நெல்லை - தென்காசி வழித்தட எக்ஸ்பிரஸ் ரயில் சேவையில் மாற்றம்: தெற்கு ரயில்வே தகவல்!

திங்கள் 8, ஜூன் 2026 10:56:37 AM (IST)

திருநெல்வேலி (TEN) ரயில் நிலையத்தில் நடைபெறும் நடைமேடை 6 தண்டவாள இணைப்பு மற்றும் யார்டு மேம்பாட்டு பணிகள் காரணமாக பல்வேறு ரயில் சேவைகள் 19.06.2026 முதல் 30.06.2026 வரை வழிமாற்றம் செய்யப்பட்டுள்ளன.

எக்ஸ்பிரஸ் ரயில் சேவையில் மாற்றம்

1) 16846 (செங்கோட்டை – ஈரோடு விரைவு ரயில்) பாவூர்சத்திரம்- கடையம் - அம்பாசமுத்திரம்- சேரன்மகாதேவி - கல்லிடைக்குறிச்சி - திருநெல்வேலி - வழியாக செல்வதற்குப் பதிலாக தென்காசி - ராஜபாளையம் - விருதுநகர் வழியாக செல்லும்.

இந்த ரயிலுக்கு விருதுநகர் - தென்காசி வழித்தடத்தில் சங்கரன்கோவில், ராஜபாளையம் மற்றும் சிவகாசி ரயில் நிலையங்களில் கூடுதல் நிறுத்தம் வழங்கப்பட்டுள்ளது.

2) 16845 (ஈரோடு – செங்கோட்டை விரைவு ரயில்) கோவில்பட்டி - திருநெல்வேலி - சேரன்மகாதேவி - கல்லிடைக்குறிச்சி - அம்பாசமுத்திரம் - கடையம் - பாவூர்சத்திரம் வழியாக செல்வதற்குப் பதிலாக, விருதுநகர் - ராஜபாளையம் - தென்காசி வழியாக செல்லும்.

3) 20684 (செங்கோட்டை - தாம்பரம் அதிவிரைவு ரயில்) 29.06.2026 அன்றைய தினம் மட்டும் பாவூர்சத்திரம் - அம்பாசமுத்திரம் - கல்லிடைக்குறிச்சி - சேரன்மகாதேவி - திருநெல்வேலி வழியாக செல்வதற்குப் பதிலாக, ராஜபாளையம் - விருதுநகர் வழியாக செல்லும்.

இந்த ரயிலுக்கு சங்கரன்கோவில், ராஜபாளையம் மற்றும் சிவகாசி ரயில் நிலையங்களில் கூடுதல் நிறுத்தங்கள் வழங்கப்பட்டுள்ளன. இவ்வாறு தெற்கு ரயில்வே செய்திக்குறிப்பில் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: