கோயில் வளாகத்தில் ஒருவருக்கு கத்திகுத்து: வாலிபர் கைது!

» செய்திகள் - விளையாட்டு » மாவட்ட செய்தி (தூத்துக்குடி)

கோயில் வளாகத்தில் ஒருவருக்கு கத்திகுத்து: வாலிபர் கைது!

புதன் 3, ஜூன் 2026 8:28:46 AM (IST)

கடம்பூர் பகுதியில் கோயில் வளாகத்தில் தகராறு செய்ததை தடுத்த நபரை கத்தியால் குத்தி, கொலை மிரட்டல் விடுத்த வாலிபரை போலீசார் கைது செய்தனர்.

தூத்துக்குடி மாவட்டம் கடம்பூர் பரும்புக்கோட்டை சுடலைமாட சுவாமி கோயில் அருகே வசிப்பவர் மோகன்குமார் மகன் சுரேஷ்குமார் (45), தொழிலாளி. கடந்த திங்கள்கிழமை இரவு, கடம்பூர் கார்வி சாலையைச் சேர்ந்த முத்துசாமி மகன் மாணிக்கராஜ் (31) என்பவர் அப்பகுதியில் உள்ள சுடலைமாட சுவாமி கோயிலுக்குச் சென்றுள்ளார்.

அங்கு கோயிலின் பொறுப்பாளரான செல்லத்துரை என்பவரிடம் மாணிக்கராஜ் வீண் தகராறில் ஈடுபட்டாராம். இதனைக் கண்டு அதிர்ச்சியடைந்த தொழிலாளி சுரேஷ்குமார், மாணிக்கராஜை உடனே கண்டித்துத் தகராறைக் கைவிடுமாறு கூறியுள்ளார். இதனால் ஆத்திரமடைந்த மாணிக்கராஜ், சுரேஷ்குமாரை மிக அவதூறான வார்த்தைகளால் பேசி, தான் மறைத்து வைத்திருந்த கத்தியால் அவரது கழுத்தை அறுத்துள்ளார்.

அங்கிருந்த பொதுமக்கள் மற்றும் பக்தர்கள் சத்தமிட்டுக் கண்டித்ததைத் தொடர்ந்து, மாணிக்கராஜ் அங்கிருந்தவர்களுக்குக் கொலை மிரட்டல் விடுத்தபடி சம்பவ இடத்திலிருந்து தப்பியோடிவிட்டார். இந்த தாக்குதலில் படுகாயமடைந்த சுரேஷ்குமாரை மீட்ட அப்பகுதியினர், சிகிச்சைக்காகப் திருநெல்வேலி அரசு மருத்துவமனையில் அனுமதித்தனர். அங்கு அவருக்குத் தீவிரச் சிகிச்சை அளிக்கப்பட்டு வருகிறது.

இச்சம்பவம் குறித்துப் புகாரின் அடிப்படையில், கடம்பூர் காவல் நிலைய போலீசார் கொலை முயற்சி, அவதூறாகப் பேசுதல், கொலை மிரட்டல் உள்ளிட்ட பிரிவுகளின் கீழ் வழக்குப் பதிவு செய்தனர். தலைமறைவாக இருந்த மாணிக்கராஜை நேற்று கைது செய்து சிறையில் அடைத்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: