குடும்பத் தகராறில் ஆற்றில் குதித்து பெயிண்டர் தற்கொலை? போலீசார் தீவிர விசாரணை

» செய்திகள் - விளையாட்டு » மாவட்ட செய்தி (தூத்துக்குடி)

குடும்பத் தகராறில் ஆற்றில் குதித்து பெயிண்டர் தற்கொலை? போலீசார் தீவிர விசாரணை

திங்கள் 1, ஜூன் 2026 11:24:42 AM (IST)

குரும்பூர் அருகே மனைவியுடன் ஏற்பட்ட குடும்பத் தகராறு காரணமாக பெயிண்டிங் தொழிலாளி ஒருவர், ஆற்றுப் பாலத்திலிருந்து குதித்து தற்கொலை செய்து கொண்டார்.

தூத்துக்குடி மாவட்டம் குரும்பூர் அருகே சேதுக்குவாய்த்தான் பூந்தோட்டம் கீழத் தெருவைச் சேர்ந்தவர் நயினார் மகன் முருகன் (38). இவர் பெயிண்டிங் தொழில் செய்து வந்தார். இவருக்குச் சந்தனமாரி (30) என்ற மனைவியும், ஒரு மகனும், ஒரு மகளும் உள்ளனர். மனைவி சந்தனமாரி செவிலியராக பணிபுரிந்து வருகிறார்.

கணவன், மனைவி இருவருக்கும் இடையே குடும்ப விவகாரங்கள் காரணமாக அடிக்கடி தகராறு ஏற்பட்டு வந்ததாகக் கூறப்படுகிறது. வழக்கம்போல் நேற்று காலையும் தம்பதியினருக்கு இடையே சண்டை ஏற்பட்டுள்ளது. அதன் பின்னர் மனைவி சந்தனமாரி மருத்துவமனை வேலைக்குச் சென்றுவிட்டார். இதனால் கடுமையான மன உளைச்சலில் இருந்த முருகன், மது போதையில் அங்குள்ள ஆற்றுப் பாலத்திலிருந்து ஆற்றில் குதித்துள்ளார்.

இதனிடையே அவ்வழியாக நடந்து சென்ற அவரது நண்பர், பாலத்தின் கீழே முருகன் தண்ணீரில் மூழ்கிக் கண்டு அதிர்ச்சியடைந்து அவர், உடனடியாகப் பொதுமக்களுக்கும் முருகனின் உறவினர்களுக்கும் தகவல் கொடுத்தார். இதையடுத்து முருகனின் அண்ணன் ராஜ்குமார் மற்றும் உறவினர்கள் சம்பவ இடத்திற்கு விரைந்து சென்று, ஆற்றில் கிடந்த முருகனை மீட்டு உடனடியாகத் திருச்செந்தூர் அரசு மருத்துவமனைக்குக் கொண்டு சென்றனர்.

அங்கு முருகனைப் பரிசோதித்த மருத்துவர்கள், அவர் ஏற்கனவே இறந்துவிட்டதாகத் தெரிவித்தனர். இதையடுத்து முருகனின் உடல் பிரேதப் பரிசோதனைக்காகத் திருச்செந்தூர் அரசு மருத்துவமனைக்கு அனுப்பி வைக்கப்பட்டது. இச்சம்பவம் குறித்து குரும்பூர் காவல் நிலைய போலீசார் வழக்குப் பதிந்து விசாரணை மேற்கொண்டு வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: