தமிழ்நாடு தவ்ஹீத் ஜமாத் சார்பில் ரத்த தான முகாம்

செய்துங்கநல்லூர் அருகே ஆறாம்பண்ணையில் தமிழ்நாடு தவ்ஹீத் ஜமாத் சார்பில் ரத்த தான முகாம் நடந்தது.

தூத்துக்குடி மாவட்டம், ஆறாம்பண்ணையில் தமிழ்நாடு தவ்ஹீத் ஜமாஅத் சார்பில் மர்கஸ் வளாகத்தில் மாவட்ட துணைத்தலைவர் தமீம் அன்சாரி தலைமையில் ரத்த தான முகாம் நடைபெற்றது. மாவட்ட துணைத் தலைவர் தமீம் அன்சாரி, மருத்துவ அணி செயலாளர் ரஷீத் காமில், ஆறாம்பண்ணை கிளை தலைவர் அப்துல்ஹமீது, முன்னாள் நிர்வாகிகள் அப்துல்வஹாப், அப்துல்காதர், காஜாமுஹைதீன் ஆகியோர் முன்னிலை வகித்தனர். முறப்பாடு இன்ஸ்பெக்டர் பாஸ்கரன் சிறப்பு விருந்தினராக கலந்துகொண்டு முகாமினை தொடங்கி வைத்தார். 

தூத்துக்குடி அரசு மருத்துவமனை ரத்த வங்கி மருத்துவர் சாந்தி தலைமையிலான மருத்துவ குழுவினர் ரத்தங்களை சேகரித்தனர். இம்முகாமில் 38பேர் ரத்த தானம் செய்தனர். மாவட்ட துணைத் தலைவர் ரத்ததானத்தின் அவசியம் குறித்தும், இன்ஸ்பெக்டர் பாஸ்கரன் தவ்ஹீத் ஜமாஅத்தின் சமுதாய நலப்பணிகள் குறித்தும், வல்லநாடு ஆரம்ப சுகாதார நிலைய சுகாதார ஆய்வாளர் ஜாஹிர்உசேன் பொதுசுகாதாரம் குறித்தும் எடுத்துரைத்தனர். முடிவில், கிளை மாணவரணி அல்தாப் நன்றி கூறினார்.முகாமிற்கான ஏற்பாடுகளை கிளை மருத்துவ அணி செயலாளர் செய்யதுசாகுல் ஹமீது தலைமையில் கிளையின் நிர்வாகிகள் செய்திருந்தனர்.