ஜன.29ல் தனியார் வேலைவாய்ப்பு முகாம்: முன்னேற்பாடு பணிகளை மாவட்ட ஆட்சியர் செந்தில் ராஜ் ஆய்வு!!

கோவில்பட்டி நேஷனல் பொறியியல் கல்லூரியில் வேலைவாய்ப்பு துறையின் மூலம் மாபெரும் தனியார் வேலைவாய்ப்பு முகாம் 29.01.2021 அன்று நடைபெற உள்ளது. அதற்கான முன்னேற்பாடு பணிகளை கல்லூரிக்கு நேரில் வந்து மாவட்ட ஆட்சியர் செந்தில்ராஜ்,  இன்று (27.01.2021) ஆய்வு செய்தார். பின்னர்  ஆட்சியர் செய்தியாளர்களிடம் தெரிவித்ததாவது: தூத்துக்குடி மாவட்டம் கோவில்பட்டி நேஷனல் பொறியியல் கல்லூரியில் வேலைவாய்ப்பு துறையின் மூலம் மாபெரும் தனியார் வேலைவாய்ப்பு முகாம் 29.01.2021 அன்று நடைபெற உள்ளது. வேலைவாய்ப்பு அலுவலகம் மூலம் ஏற்பாடு செய்துள்ளோம்.  தூத்துக்குடி மாவட்டத்தில் மட்டும் இல்லாமல் தமிழ்நாடு முழுவதும் உள்ள தனியார் நிறுவனங்களில் கரோனா தொற்றின் காரணமாக வேலைவாய்ப்பை இழந்துள்ளார்கள். 

எனவே தற்பொழுது நிறை நபர்கள் வேலைக்கு தேவைப்படுகிறது. நமது மாவட்டத்தில் நிறைய பேர் வேலைவாய்ப்பு கேட்டு மக்கள் குறைதீர் கூட்டத்தில் மனு கொடுத்துள்ளனர். அதையெல்லாம் கருத்தில்கொண்டு மாவட்ட நிர்வாகம் மற்றும் வேலைவாய்ப்பு அலுவலகம் மூலம் வருகிற 29ம் தேதி மெகா வேலைவாய்ப்பு முகாம் நடத்த உள்ளோம். முகாமில் இப்போது 102 கம்பெனிகள் வர உள்ளார்கள். மேலும் நிறைய கம்பெனிகள் பங்கேற்க பேசிக்கொண்டு இருக்கிறோம். இந்த வேலைவாய்ப்பு முகாமில் சுமார்  3000 முதல் 4000 இளைஞர்கள் கலந்துகொள்வார்கள் என்று எதிர்பார்க்கப்படுகிறது. 

ஆய்வின்போது, கோவில்பட்டி நேஷனல் பொறியியல் கல்லூரி தாளாளர் அருணாச்சலம், வேலைவாய்ப்புதுறை உதவி இயக்குநர் பேச்சியம்மாள், வேலைவாய்ப்பு அலுவலர் ரம்யா, கல்லூரி இயக்குநர் சண்முகவேல், கல்லூரி முதல்வர் காளிதாஸ்முருகவேல், கோவில்பட்டி வட்டாட்சியர் மணிகண்டன் ஆகியோர் உடனிருந்தனர்.