» சினிமா » செய்திகள்

அன்னபூரணி திரைப்பட சர்ச்சை : மன்னிப்பு கேட்டார் நயன்தாரா!

சனி 20, ஜனவரி 2024 12:03:10 PM (IST)

இந்து மத உணர்வுகளை புண்படுத்தும் காட்சிகள் இடம்பெற்றதாக அன்னபூரணி திரைப்படத்திற்கு எதிர்ப்பு எழுந்த நிலையில், அந்த படத்தின் நாயகி நயன்தாரா, மன்னிப்பு கோரி அறிக்கை வெளியிட்டு உள்ளார்.

நயன்தாரா, ஜெய் நடிப்பில் அன்னபூரணி திரைப்படம் கடந்த டிசம்பரில் திரையரங்கில் வெளியானது. பின், ஓ.டி.டி., எனும் இணைய ஒளிபரப்பு தளத்தில் வெளியானது. இந்த படத்தில் பிராமண பெண்ணான நயன்தாரா, புர்கா அணிந்து மாமிசம் சமைப்பது போன்றும், ராமர் வனவாசத்தின் போது அசைவம் சாப்பிட்டதாகவும் காட்சிகள், வசனங்கள் இடம்பெற்றிருந்தன. இதற்கு கடும் எதிர்ப்பு கிளம்பியது.

மத்திய பிரதேசம், மஹாராஷ்டிரா உள்ளிட்ட மாநிலங்களில் நயன்தாரா மற்றும் பட தயாரிப்பு குழுவினர் மீது வழக்கு பதியப்பட்டது. இந்நிலையில், கவனக்குறைவாக ஏற்பட்ட நிகழ்வுக்கு மன்னிப்பு கேட்பதாக நயன்தாரா அறிக்கை வெளியிட்டுள்ளார்.

ஜெய் ஸ்ரீராம் என தலைப்பிட்டு நயன்தாரா வெளியிட்ட அறிக்கையில் கூறியிருப்பதாவது: தடைகளை மன உறுதியுடன் கடந்து முன்னேறும் ஒருவரின் வாழ்க்கை பயணத்தை பிரதிபலிப்பது தான் அன்னபூரணி திரைப்படத்தின் நோக்கம். தணிக்கை செய்யப்பட்டு திரையரங்கில் வெளியான படம், ஓ.டி.டி.,யில் இருந்து நீக்கப்படும் என நாங்கள் எதிர்பார்க்கவில்லை.

நேர்மறையான செய்தியை பகிரும் முயற்சியில் கவனக்குறைவாக இருந்திருக்கலாம்; அது சிலரை காயப்படுத்தி இருக்கலாம். இந்த பிரச்னையின் தீவிரத்தன்மையை புரிந்து கொள்கிறோம். யார் மனதையும் புண்படுத்தும் எண்ணம் எனக்கோ, என் குழுவினருக்கோ கிடையாது.கடவுள் நம்பிக்கை உள்ள நான் எதையும் உள்நோக்கத்தோடு செய்ய வில்லை. இதனால் யார் மனது புண்பட்டதோ அவர்களிடம் மனப்பூர்வமாக மன்னிப்பு கேட்டுக்கொள்கிறேன். இவ்வாறு அவர் கூறியுள்ளார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads





Thoothukudi Business Directory