ஜிம்மில் பயிற்சி செய்தபோது சுருண்டு விழுந்து டிவி நடிகர் பலி!

மும்பையில் உடற்பயிற்சியின்போது பிரபல நடிகர் சித்தாந்த் சுர்யவன்ஷி மாரடைப்பால் உயிரிழந்துள்ளது அதிர்ச்சியை ஏற்படுத்தியுள்ளது.

ஹிந்தி சின்னதிரையில் மிகவும் பிரபலமான நடிகர், சித்தாந்த் சுர்யவன்ஷி (46). இவருக்கு திருமணம் முடிந்த நிலையில்,இரண்டு குழந்தைகள் உள்ளனர். பல்வேறு சின்னதிரை சீரியல்களில் நடித்துள்ள இவர் தினந்தோறும் உடற்பயிற்சி செய்யும் வழக்கமுடையவர். இந்த நிலையில், இவர் வழக்கம்போல ஜிம்மில் உடற்பயிற்சி மேற்கொண்டபோது திடீரென அவருக்கு மாரடைப்பு ஏற்பட்டதாகவும் அதன் காரணமாக அவர் உயிரிழந்ததாகவும் தகவல் வெளியாகியுள்ளது. அவரது மறைவு பாலிவுட்டில் அதிர்ச்சியை ஏற்படுத்தியுள்ளது.