தூத்துக்குடி சக்தி வித்யாலயாவில் 107-வது குருளையர் பிறந்த தின விழா

தூத்துக்குடி சக்தி வித்யாலயா மெட்ரிக்குலேசன் பள்ளியில் சாரண, சாரணிய இயக்கத்தின் 107-வது குருளையர் பிறந்த நாள் விழா கொண்டாடப்பட்டது.

தூத்துக்குடி சக்தி வித்யாலயா மெட்ரிக் பள்ளியில் நடைப்பெற்ற 107-வது குருளையர் பிறந்த தின விழாவிற்கு வந்திருந்த அனைவரையும் பயிற்சியாளர் டி.மணிமேகலை வரவேற்று பேசினார். தமிழ்நாடு சாரண, சாரணிய இயக்க மாநில துணை ஆணையரும், மாவட்டப் பயிற்சி ஆணையரும், பள்ளியின் முதல்வருமான ஆ.ஜெயா சண்முகம் தலைமையேற்று சாரண, சாரணியர்கள், குருளையர்கள் மற்றும் நீலப்பறவையினர்கள் அனைவருக்கும் வாழ்த்து தெரிவித்து கேக் வழங்கினார். 

அதன்பின் மாணவ, மாணவியர்களின் குருளையர் "கா” விளையாட்டும், குருளையர் பிரிவு மாணவர்கள் பழங்குடியினர்களாக வேடமணிந்து வந்து சாரண, சாரணிய இயக்க முறையில் இடதுகை குலுக்கல் செய்து உற்சாகப்படுத்தினார்கள். குருளையர்கள் அனைவரும் தங்கள் முறைப்படி உறுதிமொழி எடுத்துக் கொண்டனர். நிறைவாக அனைவருக்கும் இனிப்பு வழங்கப்பட்டது. பயிற்சியாளர் எம்.உதயம்மாள் அனைவருக்கும் நன்றி கூறினார்.