» கல்வி / வேலை » கல்விச்செய்திகள் (தூத்துக்குடி)
பாட்டக்கரை பள்ளியில் கிறிஸ்துமஸ் விழா!
வெள்ளி 15, டிசம்பர் 2023 11:22:54 AM (IST)
நாசரேத் அருகிலுள்ள பாட்டக்கரை பள்ளியில் கிறிஸ்துமஸ் விழா நடந்தது.
தென்னிந்திய திருச்சபை தூத்துக்குடி -நாசரேத் திருமண்டலம் நாசரேத் அருகே உள்ள பாட்டக்கரை டிஎன்டிடிஏ துவக்கப்பள்ளியில் கிறிஸ்துமஸ் விழா நடந்தது. சேகரகுருவானவரும் , பள்ளி தாளாளருமான ஜெபஸ் ரஞ்சித் தலைமை வகித்து ஜெபித்து கிறிஸ்துமஸ் செய்தி வழங்கினார்.
பள்ளி தலைமை ஆசிரியை செல்வகுமாரி ஒய்சி வரவேற்றார். மாணவ_ மாணவிகளின் நடனம், நாடகம் மற்றும் கிறிஸ்து பிறப்பு பற்றிய நாடகம் நடந்தது. இதையடுத்து மாணவ_ மாணவிகளுக்கு பரிசுகள் வழங்கப்பட்டன. இதில் சபை ஊழியர் கிறிஸ்டோபர் மற்றும் மாணவ_ மாணவிகள் கலந்து கொண்டனர். ஆசிரியை உஷா மேரி ஷியாமளா நன்றி கூறினார்.