» கல்வி / வேலை » கல்விச்செய்திகள் (தூத்துக்குடி)
நாசரேத் பள்ளிக்கு மர்காஷிஸ் அரிமா சங்கம் சார்பில் டி.வி.வழங்கல்
சனி 28, அக்டோபர் 2023 4:35:30 PM (IST)
நாசரேத் அருகே உள்ள திருவள்ளுவர் காலனி டிஎன்டிடிஏ துவக்கப் பள்ளிக்கு மர்காஷிஸ் சிட்டி அரிமா சங்கம் சார்பில் ரூ.30 ஆயிரம் மதிப்புள்ள டி.வி.யும், நீர் சுத்திகரிப்பு இயந்திரமும் வழங்கப்பட்டன.
இந்த நிகழ்ச்சிக்கு அரிமா சங்க தலைவர் ஆல்வின் மனுக்குமார் தலைமை வகித்தார். மூக்குப்பீறி கூட்டுறவு வங்கி முன்னாள் பொது மேலாளர் ஆனந்த ஜோதிபாலன் ஆரம்ப ஜெபம் செய்தார். பள்ளி தலைமை ஆசிரியை ஞானசெல்வி வரவேற்றார். மாணவ மாணவிகளின் நடனம், சிலம்பம், கராத்தே மற்றும் பல்வேறு நிகழ்ச்சிகள் இடம் பெற்றன. இதில் மர்காஷிஸ் சிட்டி அரிமா சங்க செயலாளர் ஆசிரியர் விவின் ஜெயக்குமார், பொருளாளர் அசுபதி பிரதீப் , ராஜசேகர், ஆசிரியை அமுதா உள்பட பலர் கலந்து கொண்டனர் .