» கல்வி / வேலை » கல்விச்செய்திகள் (தூத்துக்குடி)
சக்தி வித்யாலயாவில் 77-வது சுதந்திர தின விழா
செவ்வாய் 15, ஆகஸ்ட் 2023 11:44:27 AM (IST)
தூத்துக்குடி மூன்றாவது மைல் சக்தி வித்யாலயா மெட்ரிக்குலேசன் பள்ளியில் 77-வது சுதந்திர தினவிழா கொண்டாடப்பட்டது.
விழாவில் ஆசிரியை பாக்கியலெட்சுமி வரவேற்று பேசினார். பள்ளியின் தாளாளர் மற்றும் முதல்வர் ஆ.ஜெயாசண்முகம் தேசிய கொடியை ஏற்றி வைத்து மாணவ, மாணவியர்களின் அணிவகுப்பு மரியாதையை ஏற்றுக் கொண்டார். மாணவ, மாணவியர்களின் தமிழ், ஆங்கிலம் மற்றும் ஹிந்தி ஆகிய மொழிகளில் சொற்பொழிவும், தேசபக்தி பாடல்கள், தேசபக்தி நடனங்கள், நாடகம் ஆகிய கலை நிகழ்ச்சிகள் நடைப்பெற்றது.
இந்தியாவின் முதல் பெண் பிரதமர் இந்திரகாந்தியின் வேடம் அணிந்து மாணவி ஸ்ரீமதி மற்றும் வீரமங்கை வேலுநாச்சியார் வேடம் அணிந்து ரோஸ்மிதா ஆகியோர் ஆற்றிய சொற்பொழிவு அனைவரையும் கவர்ந்தது. விழா நிகழ்வினை ஆசிரியை க.செல்வபொன்னரசி தொகுத்து வழங்கினார். ஆசிரியை ஞா.ஜெபமாலை நன்றி கூறினார். நிறைவில் மாணவ, மாணவியர்களுக்கு இனிப்பு வழங்கப்பட்டது.
VijaikumarAug 15, 2023 - 02:24:57 PM | Posted IP 172.7*****