» சினிமா » செய்திகள்
த்ரிஷ்யம் ரீமேக்கில் ரஜினி நடிக்காதது ஏன்? இயக்குநர் ஜீத்து ஜோசப் பகிர்வு
வெள்ளி 4, ஜூலை 2025 4:35:23 PM (IST)
த்ரிஷ்யம்’ தமிழ் ரீமேக்கில் முதலில் ரஜினி தான் நடிப்பதாக இருந்தது என்று இயக்குநர் ஜீத்து ஜோசப் தெரிவித்துள்ளார்.
ஜீத்து ஜோசப் இயக்கத்தில் மோகன்லால் நடிப்பில் வெளியான படம் ‘த்ரிஷ்யம்’. மாபெரும் வரவேற்பைப் பெற்ற இப்படம் பல்வேறு மொழிகளில் ரீமேக் செய்யப்பட்டது. இதன் 2-ம் பாகமும் வெளியாகி கொண்டாடப்பட்டது. தற்போது 3-ம் பாகத்தின் படப்பிடிப்பு அக்டோபர் மாதத்தில் தொடங்கவுள்ளது.
தமிழில் ‘பாபநாசம்’ என்ற பெயரில் ‘த்ரிஷ்யம்’ ரீமேக் செய்யப்பட்டது. இப்படம் வெளியாகி 10 ஆண்டுகள் ஆனதை முன்னிட்டு இயக்குநர் ஜீத்து ஜோசப் பேட்டியொன்று அளித்துள்ளார். அப்பேட்டியில், "‘த்ரிஷ்யம்’ படத்தை ரஜினி சார் மற்றும் கமல் சார் இருவரும் பார்த்தார்கள். ரஜினி சார் அவருடைய வீட்டில் படம் பார்த்துவிட்டு ஒரு அரை மணி நேரம் அமைதியாக இருந்தார்.
பின்பு படம் எனக்கு ரொம்ப பிடித்திருக்கிறது. ஒரே விஷயம் தான், காவல்துறையினர் என்னை தாக்குவது மாதிரியான காட்சியை மக்கள் எடுத்துக் கொள்வார்களா என்பது தான் என்று வெளிப்படையாக கூறினார். அந்த வேளையில் கமல் சார் படம் பார்த்து, ‘ஒகே’ என்று சொல்லிவிட்டதால், அதற்கான பணிகளை தொடங்கிவிட்டோம்.
சில நாட்கள் கழித்து சுரேஷ் சாருக்கு ரஜினி சார் பேசினார். ‘எனது நண்பர் ஒருவர் இப்படத்தில் என்னை நடிக்கச் சொன்னார். நான் ரெடி’ என்று தெரிவித்தார். அப்போது கமல் சார் நடிக்கவிருப்பதாக சொன்னவுடன் ‘ஒகே... ஆல் தி பெஸ்ட்’ என்று கூறினார்.” என்று ஜீத்து ஜோசப் தெரிவித்துள்ளார்.
மக்கள் கருத்து
மேலும் தொடரும் செய்திகள்
அஸ்வத் மாரிமுத்து இயக்கத்தில் ரஜினிகாந்த்: படப்பிடிப்பு விரைவில் தொடக்கம்!
செவ்வாய் 9, ஜூன் 2026 11:55:56 AM (IST)
மாஸ்ட்ரோ இளையராஜாவுடன் மாரி செல்வராஜ் புதிய கூட்டணி?
திங்கள் 25, மே 2026 5:04:55 PM (IST)
பிரேம்குமார் - பகத் பாசில் இணையும் புதிய த்ரில்லர் படம்: பூஜையுடன் தொடக்கம்!
வெள்ளி 22, மே 2026 4:51:58 PM (IST)
ஜெயிலர் 2 ரிலீஸ் தேதியை மாற்றிய சன் பிக்சர்ஸ்!
வியாழன் 21, மே 2026 5:12:31 PM (IST)
கருப்பு படத்தில் சர்ச்சை காட்சி: இளையராஜாவிடம் பகிரங்கமாக வருத்தம் தெரிவித்தது படக்குழு!
செவ்வாய் 19, மே 2026 4:00:36 PM (IST)
பிரபல திரைப்பட தயாரிப்பாளர் கே. ராஜன் ஆற்றில் குதித்து தற்கொலை! - திரையுலகினர் அதிர்ச்சி!
திங்கள் 18, மே 2026 10:31:06 AM (IST)
முதல்வர் விஜய்யை நேரில் சந்தித்த கமல்ஹாசன்: 6 முக்கியக் கோரிக்கைகளுடன் ஆலோசனை!
சனி 16, மே 2026 5:37:31 PM (IST)
