விஜய் - லோகேஷ் கூட்டணி : அதிகாரப்பூர்வ அறிவிப்பு

‘மாஸ்டர்’ படத்தின் பிரமாண்ட வெற்றிக்குப் பின்னர் நடிகர் விஜய், இயக்குநர் லோகேஷ் கனகராஜ் கூட்டணி மீண்டும் இணைந்துள்ளது.

‘வாரிசு’ படத்துக்குப் பின்னர் நடிகர் விஜய், இயக்குநர் லோகேஷ் கனகராஜுடன் இணையும் ‘தளபதி 67’ படத்தின் அதிகாரப்பூர்வ அறிவிப்பு வெளியாகியுள்ளது. இப்படத்துக்கு அனிருத் இசையமைக்கவுள்ளார். ‘மாஸ்டர்’ படத்தின் பிரமாண்ட வெற்றிக்குப் பின்னர் நடிகர் விஜய், இயக்குநர் லோகேஷ் கனகராஜ் கூட்டணி மீண்டும் இணைந்துள்ளது. இதற்கான அதிகாரப்பூர்வ அறிவிப்பை படத்தின் தயாரிப்பு நிறுவனமான செவன் ஸ்கிரீன் ஸ்டுடியோ தனது ட்விட்டர் பக்கத்தில் வெளியிட்டுள்ளது.

’தளபதி 67’ படத்தின் படப்பிடிப்பு ஜனவரி 2ம் தேதி தொடங்கவுள்ளது. ‘கத்தி’, ‘மாஸ்டர்’, ‘பீஸ்ட்’ படங்களுக்குப் பின்னர் 4வது முறையாக அனிருத் விஜயுடன் இப்படத்தில் இணைகிறார். படத்தின் ஒளிப்பதிவை மனோஜ் பரமஹம்சாவும், சண்டைக்காட்சிகளை அன்பறிவும், எடிட்டிங்கை பிலோமின் ராஜும், கலையை என்.சதீஷ் குமாரும் செய்கின்றனர். இப்படத்தை செவன் ஸ்கிரீன் ஸ்டுடியோவின் எஸ்.எஸ்.லலித்குமார் தயாரிக்கிறார், இணை தயாரிப்பாளராக ஜெகதீஷ் பழனிசாமி உள்ளார்.