» சினிமா » செய்திகள்
காதலியை மணந்தார் காமெடி நடிகர் புகழ்!!
வெள்ளி 2, செப்டம்பர் 2022 12:28:52 PM (IST)
குக் வித் கோமாளி மூலம் பிரபலமான காமெடி நடிகர் புகழ், தனது காதலியான பென்சியா என்பவரை திருமணம் செய்துகொண்டார்.
சின்னத்திரையில் இருந்து சினிமாவுக்கு வந்த புகழ், சூர்யாவுடன் ‘எதற்கும் துணிந்தவன்’, அஜித் குமாருடன் ‘வலிமை’, சந்தானத்துடன் ‘சபாபதி’ மற்றும் ‘என்ன சொல்ல போகிறாய்’, ‘யானை’ உள்பட பல படங்களில் காமெடி வேடத்தில் நடித்துள்ளார். தற்போது ‘மிஸ்டர் சூ கீப்பர்’ என்ற படத்தில் கதையின் நாயகனாக நடித்து வருகிறார்.
இந்நிலையில், கடந்த 5 வருடங்களாக காதலித்து வந்த பென்சியா என்பவரை புகழ் திருமணம் செய்துகொண்டார். திண்டிவனம் அருகிலுள்ள தீவனூர் பொய்யாமொழி விநாயகர் ஆலயத்தில் நேற்று காலை அவர்கள் திருமணம் நடந்தது. சசிகுமார், சமுத்திரக்கனி மற்றும் நெருங்கிய உறவினர்கள், நண்பர்கள் கலந்துகொண்டு மணமக்களை வாழ்த்தினர். புகழ், பென்சியா திருமண வரவேற்பு நிகழ்ச்சி, வரும் 5ம் தேதி மாமல்லபுரம் ரிசார்ட்டில் நடக்கிறது.