மாநில சீனியர் ஆண்கள் ஆக்கி போட்டி: நெல்லை, தூத்துக்குடி உள்பட 8 அணிகள் காலிறுதிக்கு தகுதி

தூத்துக்குடி ஆக்கி கழகம் சார்பில் வ.உ.சி. துறைமுக ஆணைய கோப்பைக்கான மாநில சீனியர் ஆண்கள் ஆக்கி சாம்பியன் போட்டி கோவில்பட்டியில் கடந்த 9-ந் தேதி தொடங்கி நடந்து வருகிறது. இதில் 32 மாவட்ட அணிகள் கலந்து கொண்டுள்ளன. முதலில் லீக் முறையில் போட்டிகள் நடத்தப்பட்டன. 3-வது நாளான நேற்று திருப்பூர் மாவட்ட அணியை விருதுநகர் மாவட்ட அணி 4 - 1 என்ற கோல் கணக்கிலும், திருவாரூர் அணியை சிவகங்கை அணி 3 - 0 என்ற கோல் கணக்கிலும், புதுக்கோட்டை அணியை நீலகிரி அணி 7 - 0 என்ற கோல் கணக்கிலும், தேனி அணியை தஞ்சாவூர் அணி 8 - 0 என்ற கோல் கணக்கிலும் வெற்றி பெற்றன.

ராணிப்பேட்டை அணியை கோயம்புத்தூர் அணி 2 - 0 என்ற கோல் கணக்கிலும், திருவள்ளூர் அணியை திருவாரூர் அணி 1 - 0 என்ற கோல் கணக்கிலும், தென்காசி அணியை ராமநாதபுரம் அணி 14 - 0 என்ற கோல் கணக்கிலும், திருவண்ணாமலை அணியை அரியலூர் அணி 4 - 0 என்ற கோல் கணக்கிலும், திருவள்ளூர் அணியை மதுரை அணி 4 - 0 என்ற கோல் கணக்கிலும், தர்மபுரி அணியை சென்னை அணி 2 - 1 என்ற கோல் கணக்கிலும், 

கரூர் அணியை திருநெல்வேலி அணி 4 - 0 என்ற கோல் கணக்கிலும், காஞ்சிபுரம் அணியை கன்னியாகுமரி அணி 6 - 1 என்ற கோல் கணக்கிலும், சேலம் அணியை திருச்சி அணி 2 - 1 என்ற கோல் கணக்கிலும், திண்டுக்கல் அணியை விழுப்புரம் அணி 4 - 0 என்ற கோல் கணக்கிலும், வேலூர் அணியை நாமக்கல் அணி 4 - 3 என்ற கோல் கணக்கிலும், செங்கல்பட்டு அணியை தூத்துக்குடி அணி 3 - 1 என்ற கோல் கணக்கிலும், கன்னியாகுமரி அணியை தர்மபுரி அணி 1 - 0 என்ற கோல் கணக்கிலும் வெற்றி பெற்றன. இதே போல், கிருஷ்ணகிரி அணியுடன் திருப்பூர் அணி மோதிய போட்டியில் 2 - 2 என்ற கோல் கணக்கில் சமன் நிலையை பெற்றது.

நாளை (புதன்கிழமை) காலையில் அரையிறுதி போட்டிகளும், மாலையில் இறுதி போட்டிகளும் நடைபெறுகின்றன.