வங்கதேசத்தை வீழ்த்தியது பாகிஸ்தான்: இறுதி போட்டியில் இந்தியாவுடன் மோதல்!

» செய்திகள் - விளையாட்டு » விளையாட்டு

வங்கதேசத்தை வீழ்த்தியது பாகிஸ்தான்: இறுதி போட்டியில் இந்தியாவுடன் மோதல்!

வெள்ளி 26, செப்டம்பர் 2025 10:18:58 AM (IST)

ஆசிய கோப்பை கிரிக்கெட் சூப்பர் 4 சுற்றில் வங்கதேசத்தை பாகிஸ்தான் அணி வீழ்த்தியது. இறுதி போட்டியில் இந்தியாவுடன் பலப்பரிட்சை நடத்துகிறது.

ஆசிய கோப்பை கிரிக்கெட் போட்டியின் 17-ஆவது ஆட்டத்தில், பாகிஸ்தான் - வங்க தேசம் அணிகள் நேற்று மோதின. இந்த ஆட்டத்தில் டாஸ் வென்ற வங்கதேசம், ஃபீல்டிங்கை தோ்வு செய்தது. பாகிஸ்தான் இன்னிங்ஸில் சாஹிப்ஸாதா ஃபா்ஹான் 4 ரன்களுக்கும், சயிம் அயுப் ரன்னின்றியும் வெளியேறினா்.

ஃபகாா் ஜமான் 13 ரன்களுக்கு பெவிலியன் திரும்ப, ஹுசைன் தலத் 3, கேப்டன் சல்மான் அகா 2 பவுண்டரிகளுடன் 19 ரன்களுக்கு வீழ்ந்தனா். முகமது ஹாரிஸ் ஸ்கோரை நிதானமாக உயா்த்த, ஷாஹீன் அஃப்ரிதி 19 ரன்களுக்கு ஆட்டமிழந்தாா்.

ஹாரிஸ் 2 பவுண்டரிகள், 1 சிக்ஸருடன் 31 ரன்களுக்கு வெளியேற்றப்பட, முகமது நவாஸ் 1 பவுண்டரி, 2 சிக்ஸா்களுடன் 25 ரன்களுக்கு பெவிலியன் திரும்பினாா். ஓவா்கள் முடிவில் ஃபஹீம் அஷ்ரஃப் 14, ஹாரிஸ் ரௌஃப் 3 ரன்களுடன் ஆட்டமிழக்காமல் இருந்தனா்.வங்கதேச பௌலா்களில் தஸ்கின் அகமது 3, மெஹெதி ஹசன், ரிஷத் ஹுசைன் ஆகியோா் தலா 2, முஸ்டாஃபிஸுா் ரஹ்மான் 1 விக்கெட் கைப்பற்றினா்.

அடுத்து, 136 ரன்களை நோக்கி விளையாடிய வங்கதேச அணியில், ஷமிம் ஹுசைன் 2 சிக்ஸா்களுடன் 30 ரன்கள் அடித்ததே அதிகபட்சமாகும். சைஃப் ஹசன் 18, மஹெதி மஹெதி ஹசன் 11, நூருல் ஹசன் 16, தன்ஸிம் ஹசன் சகிப் 10 ரன்களுக்கு ஆட்டமிழந்தனா்.

பா்வேஸ் ஹுசைன் 0, தௌஹித் ஹிருதய் 5, கேப்டன் ஜாகா் அலி 5, தஸ்கின் அகமது 4 ரன்களுக்கு நடையைக் கட்டினா். ஓவா்கள் முடிவில் ரிஷத் ஹுசைன் 16, முஸ்டாஃபிஸுா் ரஹ்மான் 6 ரன்களுடன் ஆட்டமிழக்காமல் இருந்தனா். பாகிஸ்தான் தரப்பில் ஷாஹீன் அஃப்ரிதி, ஹாரிஸ் ரௌஃப் ஆகியோா் தலா 3, சயிம் அயுப் 2, முகமது நவாஸ் 1 விக்கெட் வீழ்த்தினா்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: