» செய்திகள் - விளையாட்டு » விளையாட்டு
ரோகித் சர்மா சாதனையை சமன் செய்த கிளென் மேக்ஸ்வெல்!
திங்கள் 12, பிப்ரவரி 2024 5:16:57 PM (IST)
சர்வதேச டி20 போட்டிகளில் அதிக சதம் விளாசி ஆஸி அணியின் கிளென் மேக்ஸ்வெல், ரோகித் சர்மாவின் சாதனையைச் சமன் செய்தார்.
அடிலெய்டில் நேற்று பகலிரவு ஆட்டமாக நடைபெற்ற இப்போட்டியில் வெஸ்ட் இன்டீஸ் கேப்டன் போவெல், டாஸ் வென்ற முதலில் ஆஸ்திரேலியாவை பேட் செய்ய அழைத்தார். இந்தப் போட்டியில் ஆஸ்திரேலியா 241 ரன்களைக் குவிக்க மே.இ.தீவுகள் அணி 207 ரன்களை மட்டுமே எடுத்தது. இதன்மூலம் 3 போட்டிகள் கொண்ட டி20 தொடரை மே.இ.தீவுகள் 0-2 என்று இழந்தது.
மே.இ.தீவுகளுக்கு எதிரான 2வது டி20 சர்வதேசப் போட்டியில் ஆஸ்திரேலியாவின் அதிரடி மன்னன், சிக்சர் ஜெயண்ட் கிளென் மேக்ஸ்வெல் 12 பவுண்டரிகள் 8 சிக்சர்களுடன் 55 பந்துகளில் 120 ரன்களை விளாசி தனது 5-வது டி20 சதத்தை எடுத்ததன் மூலம் ரோகித் சர்மாவின் டி20 சதங்கள் எண்ணிக்கை சாதனையைச் சமன் செய்தார்.