முன்னாள் முதல்வர் மு.க. ஸ்டாலினைச் சந்தித்து வாழ்த்து பெற்றார் முதல்வர் விஜய்!

தமிழகத்தின் புதிய முதலமைச்சராகப் பொறுப்பேற்றுள்ள  ச. ஜோசப் விஜய், இன்று மரியாதை நிமித்தமாக முன்னாள் முதலமைச்சரும், திமுக தலைவருமான மு.க. ஸ்டாலினை அவர்களை நேரில் சந்தித்து வாழ்த்து பெற்றார்.

சென்னை ஆழ்வார்பேட்டையில் உள்ள மு.க. ஸ்டாலின் இல்லத்திற்கு வருகை தந்த முதலமைச்சர் விஜய்யை, சட்டமன்ற எதிர்க்கட்சித் தலைவர் திரு. உதயநிதி ஸ்டாலின் கைகுலுக்கி, கட்டியணைத்து உற்சாகமாக வரவேற்றார். தேர்தல் களத்தில் நிலவிய கடுமையான விமர்சனங்களைத் தாண்டி, இந்தச் சந்திப்பில் வெளிப்பட்ட இணக்கமான சூழல் அனைவரின் கவனத்தையும் ஈர்த்தது.

மு.க. ஸ்டாலினுக்கு முதல்வர் விஜய் பூங்கொத்து வழங்கி, பொன்னாடை போர்த்திக் கௌரவித்தார். பதிலுக்கு மு.க. ஸ்டாலினும் விஜய்க்குப் பொன்னாடை போர்த்தித் தனது நல்வாழ்த்துகளைத் தெரிவித்துக் கொண்டார். இருவரும் சில நிமிடங்கள் அமர்ந்து சுமுகமாகப் பேசினர். மரியாதை நிமித்தமான இந்தச் சந்திப்பு மிக எளிமையாகவும், அரசியல் நாகரிகத்தின் அடையாளமாகவும் அமைந்தது.

இந்தச் சந்திப்பின் போது அமைச்சர்கள் மற்றும் திமுக முக்கிய நிர்வாகிகளான எம்.ஆர்.கே. பன்னீர்செல்வம், சேகர்பாபு, அன்பில் மகேஸ், எழிலன் நாகநாதன் உள்ளிட்டோர் உடனிருந்தனர். தேர்தல் பிரசாரத்தின் போது மு.க. ஸ்டாலின் அவர்களைக் கடுமையாக விமர்சித்துப் பேசி வந்த விஜய், தற்போது முதலமைச்சராகப் பொறுப்பேற்ற பின் காட்டியுள்ள இந்த முதிர்ச்சியான அணுகுமுறை தமிழக அரசியலில் ஆரோக்கியமான மாற்றமாகப் பார்க்கப்படுகிறது.