திமுகவின் மக்கள் நலத் திட்டங்களைப் புதிய அரசு தொடர வேண்டும்: மு.க. ஸ்டாலின் விருப்பம்!

» செய்திகள் - விளையாட்டு » தமிழகம்

திமுகவின் மக்கள் நலத் திட்டங்களைப் புதிய அரசு தொடர வேண்டும்: மு.க. ஸ்டாலின் விருப்பம்!

ஞாயிறு 10, மே 2026 11:13:16 AM (IST)

தமிழகத்தில் புதிய ஆட்சி அமையவுள்ள சூழலில், கடந்த ஐந்தாண்டு காலத் திட்டங்களின் முக்கியத்துவத்தை வலியுறுத்தி திமுக தலைவர் மு.க. ஸ்டாலின் அவர்கள் அறிக்கை வெளியிட்டுள்ளார்.

சட்டமன்றத் தேர்தலில் எந்தக் கட்சிக்கும் முழுப் பெரும்பான்மை கிடைக்காத நிலையில், புதிய ஆட்சி அமைவதற்குத் திமுக தடையாக இருக்காது என்று ஸ்டாலின் தெரிவித்துள்ளார். மாறாக, மக்கள் நலன் கருதி சட்டப்பேரவையில் ஆக்கபூர்வமான எதிர்க்கட்சியாகத் திமுக செயல்படும் என்று அவர் உறுதிபடக் கூறியுள்ளார்.

கடந்த 5 ஆண்டு கால திமுக ஆட்சியில் தமிழகம் அனைத்துத் துறைகளிலும் வளர்த்தெடுக்கப்பட்டுள்ளதாகக் குறிப்பிட்ட அவர்: மகளிருக்கான கட்டணமில்லாப் பேருந்துப் பயணம், இளைஞர்களுக்கான திறன் மேம்பாட்டுத் திட்டங்கள் மற்றும் விளிம்புநிலை மக்களுக்கான நலத்திட்டங்கள் போன்ற தொலைநோக்குச் சிந்தனையுடன் கூடிய திட்டங்களைப் புதிய அரசு தொடர்ந்து செயல்படுத்த வேண்டும்.

ஒவ்வொரு தனிமனிதனும் பயன்பெறும் வகையில் உருவாக்கப்பட்ட இத்திட்டங்களைத் தொடர்வதன் மூலமே மாநிலம் தொடர்ந்து வளரும் என்று அவர் சுட்டிக்காட்டியுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: