தூத்துக்குடியில் மக்கள் தொகை கணக்கெடுப்பு கையெழுத்து இயக்கம்: ஆட்சியர் தொடங்கி வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் மக்கள் தொகை கணக்கெடுப்பு கையெழுத்து இயக்கம்: ஆட்சியர் தொடங்கி வைத்தார்!

புதன் 22, ஜூலை 2026 12:00:28 PM (IST)

தூத்துக்குடி மாவட்ட ஆட்சியர் அலுவலக வளாகத்தில் மக்கள் தொகை கணக்கெடுப்பு விழிப்புணர்வு கையெழுத்து இயக்கத்தினை மாவட்ட ஆட்சியர் விஷு மகாஜன் தொடங்கி வைத்தார்.

தூத்துக்குடி மாவட்ட ஆட்சியர் அலுவலக வளாகத்தில் மக்கள் தொகை கணக்கெடுப்பு 2027 சுயக் கணக்கெடுப்பு உதவி மையம், செல்பி பாயிண்ட், விழிப்புணர்வு கையெழுத்து இயக்கத்தினை முதன்மை மக்கள் தொகை கணக்கெடுப்பு அலுவலரும் மாவட்ட ஆட்சியருமான விஷு மகாஜன் இன்று தொடங்கி வைத்தார்.

நிகழ்ச்சிக்குப் பின்னர் மாவட்ட ஆட்சியர் தெரிவித்ததாவது: "இந்தியா முழுவதும் 16-வது மக்கள் தொகை கணக்கெடுப்பு - 2027 பணிகள் நடைபெற்று வருகின்றன. இதன் ஒரு பகுதியாகக் குடும்பங்களுக்கான சுய-கணக்கெடுப்பு விருப்பப் பதிவு 17.07.2026 முதல் 31.07.2026 வரை நடைபெறுகிறது.

அதனடிப்படையில், சுய கணக்கெடுப்பு தொடர்பான சந்தேகங்களைத் தீர்க்கும் வகையில் உதவி மையங்கள், விழிப்புணர்வுச் செல்பி பாயிண்ட், கையெழுத்து இயக்கம் அமைக்கப்பட்டுள்ளன.

பொதுமக்கள் வரும் 31.07.2026 வரை se.census.gov.in என்ற இணையதள முகவரியில் உள்நுழைந்து, தங்களது குடும்பச் சுய விவரங்களை எளிதாகப் பதிவேற்றம் செய்து 12 இலக்கச் சுய-கணக்கெடுப்பு ஐடி-யைப் (ID) பெற்றுக் கொள்ளலாம்.

சுயக் கணக்கெடுப்பு விவரங்களைப் பதிவேற்றம் செய்வதன் மூலம், கணக்கெடுப்பாளர்கள் நேரடி கள வருகையின் போது இச் சுய கணக்கெடுப்பு ஐடி-யைச் சேகரித்துத் தரவைச் சரிபார்ப்பதற்கு எளிதாக அமையும். எனவே, பொதுமக்கள் அரசு வழிகாட்டுதலுக்கு முழு ஒத்துழைப்பு வழங்க வேண்டும்" எனத் தெரிவித்தார்.

இந்நிகழ்வில் தனித்துணை ஆட்சியர் (ச.பா.தி) இரமணன், மாவட்ட ஆட்சியரின் நேர்முக உதவியாளர் (கணக்கு) கல்யாணசுந்தரம், மக்கள் தொகை கணக்கெடுப்பு அலுவலர் தில்லைப்பாண்டியன், அரசு அலுவலர்கள் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: