வாரத்தில் இரண்டு நாட்கள் பொதுமக்கள் குறைதீர்ப்பு நாள் : நெல்லை சரக டிஐஜி திருநாவுக்கரசு அறிவிப்பு!

» செய்திகள் - விளையாட்டு » மாவட்ட செய்தி (தூத்துக்குடி)

வாரத்தில் இரண்டு நாட்கள் பொதுமக்கள் குறைதீர்ப்பு நாள் : நெல்லை சரக டிஐஜி திருநாவுக்கரசு அறிவிப்பு!

செவ்வாய் 23, ஜூன் 2026 8:34:49 PM (IST)

திருநெல்வேலி காவல் சரகத்திற்கு உட்பட்ட 4 மாவட்டங்களில் பொதுமக்களின் குறைகளை விரைவாகக் கேட்டுத் தீர்வு காணும் நோக்கில், வாரத்தில் இரண்டு நாட்கள் பொதுமக்கள் குறைதீர்ப்பு நாள் நாளை முதல் நடைமுறைப்படுத்தப்பட உள்ளது.

இதுகுறித்து நெல்லை சரக டிஐஜி திருநாவுக்கரசு வெளியிட்டுள்ள செய்திக்குறிப்பில் "தமிழ்நாடு காவல்துறை சட்டம் - ஒழுங்கு டிஜிபி மகேஷ்குமார் அகர்வால் உத்தரவின்படி, திருநெல்வேலி காவல் சரகத்தின் கீழ் உள்ள திருநெல்வேலி, தூத்துக்குடி, தென்காசி மற்றும் கன்னியாகுமரி ஆகிய நான்கு மாவட்டங்களில் "பொதுமக்கள் குறைதீர்ப்பு நாள்" புதிய நடைமுறையாகக் கொண்டு வரப்பட்டுள்ளது.

இனிவரும் ஒவ்வொரு வாரமும் புதன்கிழமை மற்றும் சனிக்கிழமைகளில் காலை 11 மணி முதல் மதியம் 1 மணி வரை பொதுமக்களிடமிருந்து புகார்கள் மற்றும் குறைகள் மனுக்களாகப் பெறப்பட உள்ளன.

பொதுமக்கள் தங்களது மனுக்களைத் திருநெல்வேலி காவல் சரக அலுவலகத்தில் உள்ள டிஐஜியிடமும், அந்தந்த மாவட்ட காவல் அலுவலகங்களில் உள்ள எஸ்பிக்களிடமும், மாவட்ட காவல் துணைக் கண்காணிப்பாளர் அலுவலகங்களில் உள்ள டிஎஸ்பிக்களிடமும், அந்தந்த காவல் நிலையங்களில் உள்ள இன்ஸ்பெக்டர்களிடமும் நேரடியாக அளித்துப் பயன்பெறலாம்.

இந்த குறைதீர்ப்பு நாட்களில் பொதுமக்களிடமிருந்து பெறப்படும் மனுக்கள் மீது உடனடியாக விசாரணை மேற்கொள்ளப்பட்டு, விரைவான மற்றும் உரிய தீர்வு வழங்க உரிய நடவடிக்கைகள் எடுக்கப்படும். இப்புதிய திட்டத்தின் கீழ், முதல் குறைதீர்ப்பு நாளானது நாளை (24.06.2026, புதன்கிழமை) நடைபெற உள்ளது.

எனவே, பொதுமக்கள் இந்த வாய்ப்பைப் பயன்படுத்தித் தங்களது குறைகள் மற்றும் மனுக்களைச் சம்பந்தப்பட்ட காவல் அதிகாரிகளிடம் நேரடியாகத் தெரிவித்துப் பயனடையலாம் எனத் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: