திருச்செந்தூர் தொகுதி: 75 ஆண்டுகால வரலாற்றில் முதன்முறையாகப் போட்டியிடும் பாஜக!

» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூர் தொகுதி: 75 ஆண்டுகால வரலாற்றில் முதன்முறையாகப் போட்டியிடும் பாஜக!

சனி 28, மார்ச் 2026 8:29:09 AM (IST)

கோயில் நகரான திருச்செந்தூர் சட்டமன்றத் தொகுதியில், 2026 தமிழகச் சட்டமன்றப் பொதுத்தேர்தலில் பாரதிய ஜனதா கட்சி முதன்முறையாக நேரடியாகக் களமிறங்குகிறது.

திருச்செந்தூர் அதிமுக மற்றும் திமுக இடையே கடும் போட்டி நிலவும் ஒரு தொகுதியாகும். இம்முறை அதிமுகதான் போட்டியிடும் எனப் பரவலாக எதிர்பார்க்கப்பட்ட நிலையில், அதிமுக தலைமையிலான தேசிய ஜனநாயகக் கூட்டணியில் அங்கம் வகிக்கும் பாஜகவுக்கு ஒதுக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது.

திருச்செந்தூர் தொகுதி இதுவரை 15 பொதுத்தேர்தல்களையும், 2 இடைத் தேர்தல்களையும் சந்தித்துள்ளது. இதில், விவசாயத் தொழிலாளர் கட்சி ஒரு முறையும், காங்கிரஸ் இரு முறையும், அதிமுக 6 முறையும், திமுக 8 முறையும் வெற்றி பெற்றுள்ளன.

சாத்தியமான வேட்பாளர்:

கடந்த 2021 சட்டமன்றத் தேர்தலில் அதிமுக சார்பில் போட்டியிட்ட ஆறுமுகனேரியைச் சேர்ந்த கே.ஆர்.எம். ராதாகிருஷ்ணன், 25,263 வாக்குகள் வித்தியாசத்தில் தோல்வியடைந்தார். பின்னர் அவர் பாஜகவில் இணைந்தார். வரும் தேர்தலில் போட்டியிட வேண்டி சில மாதங்களாக பாஜக தலைமையிடம் அவர் வாய்ப்புக் கேட்டு வருவதால், அவருக்கு மீண்டும் போட்டியிட வாய்ப்பு வழங்கப்படலாம் எனக் கூறப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: