மனிதநேய மக்கள் கட்சியின் தேர்தல் ஆலோசனைக் கூட்டம் - பணிக்குழு நிர்வாகிகள் பட்டியல் வெளியீடு!

2026 தமிழகச் சட்டமன்றத் தேர்தலை முன்னிட்டு, தூத்துக்குடி மாநகர மனிதநேய மக்கள் கட்சியின் ஆலோசனைக் கூட்டம் மற்றும் தேர்தல் பணிக்குழு அறிவிப்பு நிகழ்ச்சி மாவட்டத் தலைமை அலுவலகத்தில் நடைபெற்றது.

மாநகரத் தலைவர் ஷேக் முகைதீன் தீன் அலி தலைமை தாங்கினார். மாநகரச் செயலாளர் சேக் ஜான் ராஜா அனைவரையும் வரவேற்றுப் பேசினார். சிறப்பு அழைப்பாளராகக் கலந்துகொண்ட மாவட்டச் செயலாளர் யூசுப், வரும் சட்டமன்றத் தேர்தலை எதிர்கொள்வது குறித்து ஆலோசனைகளை வழங்கினார். மேலும், தூத்துக்குடி சட்டமன்றத் தொகுதிக்கான தேர்தல் பணிக்குழு நிர்வாகிகள் பட்டியலை அவர் அதிகாரப்பூர்வமாக வெளியிட்டார். தேர்தல் பணிகளை இப்போதே முடுக்கிவிட வேண்டும் என நிர்வாகிகளுக்கு அவர் அறிவுறுத்தினார்.

இக்கூட்டத்தில் மாவட்டத் துணைச் செயலாளர் செண்பக ராஜ், பிரவீன் குமார், இளைஞர் அணி மாவட்டச் செயலாளர் சம்சுதீன், மாநகரச் செயலாளர் செய்யது அலி, மாநகரப் பொருளாளர் யூனுஸ், ஐ.பி.பி. மாநகரச் செயலாளர் நைனா முகமது மற்றும் ஜாகிர் உசேன் நகர் கிளைத் தலைவர் சலீம் உள்ளிட்ட பலர் கலந்துகொண்டனர். கூட்டத்தின் நிறைவாக, மாநகரத் துணைத் தலைவர் காம்ப்ளக்ஸ் சேக் மைதீன் நன்றியுரை ஆற்றினார்.