காலி மது பாட்டில்களை திரும்பப்பெறும் உத்தரவு: அரசுக்கு நன்றி தெரிவிக்க வந்தவர் கைது!

காலி மது பாட்டில்களை திரும்பப் பெறும் திட்டத்திற்கு நன்றி தெரிவித்து தூத்துக்குடி மாவட்ட ஆட்சியர் அலுவலகத்திற்கு வந்த சமூக ஆர்வலரை போலீசார் கைது செய்தனர். 

தமிழகத்தில் டாஸ்மாக் கடைகளில் காலி மது பாட்டில்களை திரும்பப் பெறும் திட்டம் தற்போது அமலில் உள்ளது, இதில் பாட்டிலுக்கு ரூ.10 வழங்கப்படும். இந்த நிலையில், தூத்துக்குடி அண்ணா நகர் 11வது தெருவைச் சேர்ந்தவர் பாலகிருஷ்ணன் (50), சமூக மற்றும் சுற்றுச்சூழல் ஆர்வலர்.  இவர் அரசு அறிவித்துள்ள காலி மது பாட்டில்களை திரும்ப பெறும் உத்தரவு தனக்கு கிடைத்த வெற்றி என்று கூறி, அரசுக்கு நன்றி தெரிவிப்பதற்காக கழுத்தில் ரோஜாப்பூ மாலை அணிந்து கொண்டு, ரதம் போன்ற வாகனத்துடன் தூத்துக்குடி மாவட்ட ஆட்சியர் அலுவலகத்திற்கு வந்தார். 

அவரை ஆட்சியர் அலுவலக வாசலில் போலீசார் தடுத்து நிறுத்தி விசாரணைக்கு அழைத்துச் சென்றனர். பின்னர் அவர் கைது செய்யப்பட்டு காவல் நிலையம் கொண்டு செல்லப்பட்டார்.