ஊரக வளர்ச்சி உள்ளாட்சித் துறை ஊழியர்கள் சங்கம் சார்பில் மறியல் போராட்டம்!

» செய்திகள் - விளையாட்டு » மாவட்ட செய்தி (தூத்துக்குடி)

ஊரக வளர்ச்சி உள்ளாட்சித் துறை ஊழியர்கள் சங்கம் சார்பில் மறியல் போராட்டம்!

திங்கள் 8, டிசம்பர் 2025 12:08:14 PM (IST)

தூத்துக்குடியில் 10 அம்ச கோரிக்கைகளை வலியுறுத்தி ஊரக வளர்ச்சி மற்றும் ஊராட்சித் துறை சார்பில் மறியல் போராட்டம் நடத்திய 100க்கும் மேற்பட்டோரை போலீசார் கைது செய்தனர்.

புதிய பென்ஷன் திட்டத்தை ரத்து செய்து, பழைய பென்ஷன் திட்டத்தை அமுல்படுத்த வேண்டும், இரண்டு ஆண்டுகளுக்கு மேல் பணிபுரியும் ஒப்பந்த தொழிலாளர்களை நிரந்தரமாக்க வேண்டும், கொரோனா காலத்தில் உயிரை பணயம் வைத்து பணி செய்த தொழிலாளர்கள் அனைவருக்கும் அரசு அறிவித்த மூன்று மாத ஊக்கு தொகை ரூபாய் 15,000 உடனடியாக வழங்க வேண்டும், மாநகராட்சியில் தனியார் அவர்லேண்ட் காண்டிராக்டை ரத்து செய்ய வேண்டும் என்பது உட்பட 10 அம்ச கோரிக்கையை வலியுறுத்தி தூத்துக்குடியில் ஊரக வளர்ச்சி உள்ளாட்சித்துறை ஊழியர்கள் சங்கம் சார்பில், மாவட்ட தலைவர் கருப்பசாமி தலைமையில் மாநகராட்சி அலுவலகம் முன்பு மறியல் - பேரணி நடைபெற்றது.

மாநகராட்சியில் இருந்து புறப்பட்ட பேரணியில் பங்கேற்றவர்கள் பழைய பேருந்து நிலையம் முன்பு தரையில் அமர்ந்து மறியல் போராட்டம் நடத்தினர். இதில் சிஐடியு மாநில துணைத் தலைவர் ரசல், மாநில செயற்குழு உறுப்பினர் கிருஷ்ணவேணி, மாவட்ட துணைத்தலைவர் காசி, மாவட்ட பொதுச் செயலாளர் முனியசாமி, பொருளாளர் வேல்முத்து, துணை செயலாளர் கணேசன், துணைத் தலைவர்கள் ராமமூர்த்தி, பத்திரகாளி, கருப்பி உட்பட பலர் கலந்து கொண்டனர். இதையடுத்து மறியில் ஈடுபட்ட 68 பெண்கள் உட்பட 98பேரை மத்தியபாகம் காவல் நிலைய இன்ஸ்பெக்டர் பாஸ்கரன் தலைமையிலான போலீசார் கைது செய்து திருமண மண்டபத்தில் தங்க வைத்தனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: