உங்களைத் தேடி உங்கள் ஊரில் திட்டம்: ஆட்சியர் ஆய்வு

காப்புலிங்கம்பட்டி ஊராட்சியில் ரூ.245.28 இலட்சம் மதிப்பீட்டில் புதிதாக அமைக்கப்பட்டுள்ள தார் சாலையின் தரம் குறித்து மாவட்ட ஆட்சியர் க.இளம்பகவத் நேரில் பார்வையிட்டார். 

மக்களை நாடி அவர்களின் குறைகளைத் தீர்க்க தமிழ்நாடு அரசின் "உங்களைத் தேடி உங்கள் ஊரில்" திட்டத்தின் கீழ், இன்று (19.11.2025) தூத்துக்குடி மாவட்டம் கயத்தாறு வட்டம், காப்புலிங்கம்பட்டி ஊராட்சியில், பிரதம மந்திரி கிராம சாலைகள் திட்டத்தில் காப்புலிங்கம்பட்டி முதல் வடக்கு சுப்பிரமணியபுரம் வரை ரூ.245.28 இலட்சம் மதிப்பீட்டில் புதிதாக அமைக்கப்பட்டுள்ள தார் சாலையின் தரம் குறித்து மாவட்ட ஆட்சியர் க.இளம்பகவத், நேரில் பார்வையிட்டார். 

காப்புலிங்கம்பட்டி ஊராட்சியில், அனைத்து கிராம அண்ணா மறுமலர்ச்சி திட்டத்தின் கீழ் ரூ.17.25 இலட்சம் மதிப்பீட்டில் புதிதாக கட்டப்பட்ட வரும் அங்கன்வாடி மைய கட்டிடத்தின் கட்டுமான பணிகளை மாவட்ட ஆட்சியர் க.இளம்பகவத், நேரில் பார்வையிட்டார். 

கே. சிதம்பராபுரம் கிராமத்தில் வேளாண்மை துறை சார்பில், விதை பண்ணை திட்டத்தின் கீழ் உளுந்து பயிரிடப்பட்டுள்ளதை மாவட்ட ஆட்சியர் க.இளம்பகவத், நேரில் பார்வையிட்டார். மேலும், கடம்பூர் சார் பதிவாளர் அலுவலகத்தினை மாவட்ட ஆட்சியர் க.இளம்பகவத், ஆய்வு செய்தார். கூடுதல் ஆட்சியர்(வளர்ச்சி) ஆர்.ஐஸ்வர்யா உடனிருந்தார்.