தலித்துகள், பெண்கள் மீதான தாக்குதல்களை தடுத்து நிறுத்த கோரி சிபிஐ ஆர்ப்பாட்டம்

தலித், பழங்குடியினர், சிறுபான்மையினர், பெண்கள் மீதான தாக்குதல்களை தடுத்து நிறுத்த கோரி தூத்துக்குடியில் இந்திய கம்யூனிஸ்ட் கட்சி சார்பாக ஆர்ப்பாட்டம் நடைபெற்றது. 

இந்திய கம்யூனிட் கட்சி தேசிய நிர்வாகக்குழு தலித்துகள், பழங்குடியினர், சிறுபான்மையினர், பெண்கள் மீதான தாக்குதல்கள் நாளுக்கு நாள் அதிகரித்து வருவதை தடுத்த நிறுத்த கோரி தூத்துக்குடி சிதம்பரநகர் பேருந்து நிலையம் அருகே இந்திய கம்யூனிஸ்ட் கட்சி சார்பாக ஆர்ப்பாட்டம் நடைபெற்றது. 

சி.பி.ஐ மாநகரசெயலாளர் மாநகர மன்ற உறுப்பினர் ஜி.தனலெட்சுமி தலைமை வகித்தார். மாநிலக்குழு உறுப்பினர் டாக்டர் த.அறம் கண்டன உரையாற்றினார். மாவட்ட செயலாளர் பி.கரும்பன், மாவட்ட துணைச் செயலாளர்கள் பாலமுருகன், பாபு, மாநிலக்குழு உறுப்பினர் எஸ்.பி.ஞானசேகர், கோவில்பட்டி நகர செயலாளர் செந்தில் ஆறுமுகம், எட்டயபுரம் நகரச்செயலாளர் சோலையப்பன், எட்டயபுரம் தாலுகா செயலாளர் கிருஷ்ணமூர்த்தி உள்ளிட்ட பலர் கலந்து கொண்டனர்.