லாரியில் திடீர் தீவிபத்து: தூத்துக்குடியில் பரபரப்பு

தூத்துக்குடியில் வீல் அலைன்மென்ட் கடை முன்பு நிறுத்தியிருந்த லாரி திடீரென தீப்பற்றி எரிந்ததால் பரபரப்பு ஏற்பட்டது.

தூத்துக்குடியில், மதுரை பைபாஸ் ரோடு, இசக்கி வீல் அலைன்மென்ட் கடை முன்பு நிறுத்தியிருந்த லாரியில் திடீரென தீப்பிடித்தது. அருகில் இருந்தவர்கள் சிப்காட்  தீயணைப்பு நிலையத்திற்கு தகவல் தெரிவித்தனர். அதன்பேரில் உதவி மாவட்ட அலுவலர் இ.ராஜு தலைமையில் சிப்காட் நிலைய அலுவலர் த.கார்த்திகேயன் மற்றும் ஊர்தி குழுவினர்கள் உடனடியாக ஸ்தலம் வந்து விரைவாக செயல்பட்டு லாரியில் பிடித்த  தீயை முற்றிலும் அணைத்தனர். இதனால் பெரும் அசம்பாவிதம் தவிர்க்கப்பட்டது.