தூக்கு தூக்குவோம்! தூய்மை காப்போம்!! - ரோட்டரி கிளப் ஆஃப் பேர்ல் சிட்டி சார்பில் விழிப்புணர்வு!

தூத்துக்குடியில் ரோட்டரி கிளப் ஆஃப் பெர்ல் சிட்டி சார்பில் "தூக்கு தூக்குவோம்! தூய்மை காப்போம்!” என்ற தலைப்பில் விழிப்புணர்வு நிகழ்ச்சி நடைபெற்றது. 

தூத்துக்குடியில் ரோட்டரி கிளப் ஆஃப் பெர்ல் சிட்டி சார்பில் "தூக்கு தூக்குவோம்! தூய்மை காப்போம்!” என்ற தலைப்பில், பிளாஸ்டிக் பைகளுக்குப் பதிலாக உணவு பொருட்களை எடுத்துச் செல்ல உகந்த எவர்சில்வர் தூக்குவாளிகள் (Metal Carry Pot) வழங்கும் நிகழ்ச்சி, தெற்கு காவல் நிலையம் அருகில் கார்த்திக் காபி ஷாப்பில் வைத்து நடைபெற்றது.

இந்த நிகழ்வை, மாநகராட்சி மேயர் ஜெகன் பெரியசாமி துவக்கி வைத்தார். ஆணையர் எஸ். பிரியங்கா கலந்து கொண்டு சிறப்புரையாற்றினார். இந்த நிகழ்ச்சியை, பப்ளிக் இமேஜ் குழுத் தலைவர் மற்றும் கார்த்திக் காபி ஷாப் & ஹோட்டல் சரவணாஸ் நிறுவனருமான செந்தில் ஆறுமுகம் ஏற்பாடு செய்திருந்தார். நிகழ்ச்சியில் கலந்து கொண்ட வாடிக்கையாளர்கள், பொதுமக்கள் மற்றும் உறுப்பினர்கள் அனைவருக்கும் தூக்குவாளி வழங்கப்பட்டது. 

நிகழ்ச்சியில் ரோட்டரி கிளப் பேர்ல் சிட்டி தலைவர் ஜே. விக்டர், செயலாளர் எஸ். கிருஷ்ணசாமி, மற்றும் உறுப்பினர்கள் சுப்புராஜ், அபு தாமஸ், விக்னேஷ் வீரபாகு, எஸ்எம் மூர்த்தி, சுரேஷ், சண்முகநாதன், காளி ஆனந்த குமார், சங்கர சுப்பிரமணியன், செந்தில் வீரபாகு, செந்தில் நாராயணன், கார்த்திகேயன், சஹாயராஜ் பெர்னான்டோ, பொதிகை கண்ணன், தெய்வ சிகாமணி, பய்ஸர், இப்ராஹிம், சுஷீல் குமார், எஸ்.ஆர்.எஸ். பாலாஜி, கணேஷ் உட்பட பலர் கலந்து கொண்டனர்.